वैयक्तिक संरक्षणासाठीची उपकरणे
जखमा, संसर्ग आणि इतर धोक्यांपासून संरक्षणासाठी घातलेले विशिष्ट कपडे / From Wikipedia, the free encyclopedia
वैयक्तिक संरक्षणासाठीच्या (Personal Protection Equipment (पीपीई)) उपकरणांमध्ये मुखवटा, हातमोजे, मास्क किंवा फेसशील्ड, चष्मा, रबरी बूट, डोके कव्हर यांसारख्या गोष्टींचा समावेश होतो. शारीरिक दुखापतीपासून किंवा संसर्गापासून बचाव करणे यासाठी देखील उपयोग होऊ शकतो. संरक्षक उपकरणाद्वारे विद्युत, उष्णता, रसायने, हवेतील पर्टिक्युलेट पदार्थ आदी भौतिक पदार्थांपासून उद्धवू शकणाऱ्या धोक्यांपासून संरक्षण होते. नोकरीशी संबंधित आणि आरोग्याच्या हेतूंसाठी तसेच क्रीडा आणि अन्य मनोरंजक कार्यांसाठी संरक्षक उपकरणे घातली जाऊ शकतात.
पीपीईची कोणतीही वस्तू परिधानकर्ता / वापरकर्ता कार्यरत वातावरण यांच्यात अडथळा आणते. त्यामुळे परिधानकर्त्यावर अतिरिक्त ताण निर्माण होऊ शकते; आपले कार्य पार पाडण्याची लोकांची क्षमता कमी होते. तसेच दुखापत, आजारपण किंवा अत्यंत गंभीर परिस्थितीत मृत्यूचा धोका असू शकतो. एर्गोनोमिक डिझाइन हे अडथळे कमी करण्यात मदत करू शकते आणि म्हणूनच पीपीईच्या योग्य वापराद्वारे सुरक्षित आणि निरोगी कामकाजाची स्थिती सुनिश्चित होण्यासाठी हे डिझाईन मदत करू शकते.