![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/00/Flag_of_New_South_Wales.svg/langmr-640px-Flag_of_New_South_Wales.svg.png&w=640&q=50)
न्यू साउथ वेल्स
From Wikipedia, the free encyclopedia
न्यू साउथ वेल्स हे ऑस्ट्रेलिया देशातील सर्वाधिक लोकसंख्येचे राज्य आहे. न्यू साउथ वेल्सच्या उत्तरेस क्वीन्सलंड, पश्चिमेस साउथ ऑस्ट्रेलिया, दक्षिणेस व्हिक्टोरिया तर पूर्वेस टास्मान समुद्र हा प्रशांत महासागराचा उपसमुद्र आहे. सिडनी ही न्यू साउथ वेल्सची राजधानी असून हे ऑस्ट्रेलियामधील सर्वात मोठे शहर आहे. मार्च २०१२ साली ७२.७२ लाख लोकसंख्या असलेल्या न्यू साउथ वेल्समध्ये एकूण ऑस्ट्रेलियाच्या ३४.५ टक्के लोक राहतात.
न्यू साउथ वेल्स New South Wales | |||
ऑस्ट्रेलियाचे राज्य | |||
| |||
![]() | |||
देश | ![]() | ||
राजधानी | सिडनी | ||
क्षेत्रफळ | ८,०९,४४४ वर्ग किमी | ||
लोकसंख्या | ७२,७२,८०० | ||
घनता | ९.१२ प्रति वर्ग किमी | ||
वेबसाईट | http://www.nsw.gov.au | ||
१७७० साली कॅप्टन जेम्स कूकने ऑस्ट्रेलियाचा शोध लावल्यानंतर १७८८ साली ब्रिटिशांनी येथे न्यू साउथ वेल्स ही वसाहत स्थापन केली. पुढील अनेक वर्षे बव्हंशी ऑस्ट्रेलियन भूभाग न्यू साउथ वेल्सच्याच अधिपत्याखाली येत असे. १९व्या शतकात हळूहळू इतर प्रदेश न्यू साउथ वेल्सपासून वेगळे केले गेले. ह्यामुळे ऑस्ट्रेलियामध्ये न्यू साउथ वेल्सचे वर्चस्व आजही कायम आहे. अर्थव्यवस्था, शिक्षण, कला, क्रीडा इत्यादी बाबतीत हे ऑस्ट्रेलियामधील आघाडीचे राज्य आहे.