![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ed/Torna_entrance.jpg/640px-Torna_entrance.jpg&w=640&q=50)
तोरणा
महाराष्ट्रातील एक डोंगरी किल्ला / From Wikipedia, the free encyclopedia
तोरणा हा भारताच्या महाराष्ट्र राज्यातील सह्याद्री पर्वतरांगांमधील डोंगरी किल्ला आहे.
जलद तथ्य
तोरणा | |
![]() | |
गुणक | 18.276°N 73.613°E / 18.276; 73.613 |
नाव | तोरणा |
उंची | १४०३ मीटर/४६०४ फूट |
प्रकार | गिरिदुर्ग |
चढाईची श्रेणी | मध्यम |
ठिकाण | वेल्हे तालुका, पुणे जिल्हा, महाराष्ट्र, भारत |
जवळचे गाव | वेल्हे |
डोंगररांग | सह्याद्री |
सध्याची अवस्था | चांगली |
स्थापना | १४७० ते १४८६ |
बंद करा
तोरणा अथवा प्रचंडगड हा पुणे जिल्ह्यातला दुर्गकोटातील अतिदुर्गम व अतिविशाल म्हणून हा गड प्रसिद्ध आहे.
पुणे जिल्ह्याच्या वेल्हा तालुक्यातून गेलेल्या सह्याद्रीच्या रांगेतून दोन पदर निघून पूर्वेला पसरत गेलेले आहेत, त्यापैकी एका पदरावर तोरणा व राजगड आहेत. दुसऱ्या पदराला भुलेश्वर रांग असे म्हणतात. पुण्याच्या नैर्ऋत्येस असलेल्या पर्वतराजीमध्ये १८.२७६ उत्तर अक्षांश व ७३.६१३ पूर्व रेखांशावर हा किल्ला आहे. या गडाच्या दक्षिणेला वेळवंडी नदी असून उत्तरेला कानद नदीचे खोरे आहे. या गडाच्या पश्चिमेला कानद खिंड, पूर्वेला बामण व खरीव खिंडी आहेत. पुण्यापासून रस्त्याने तोरण्यापर्यंतचे अंतर ६० कि.मी. आहे.
![Thumb image](http://upload.wikimedia.org/wikipedia/commons/thumb/7/7a/Torna_fort_3.jpg/640px-Torna_fort_3.jpg)