Хараре нь Зимбабве улсын нийслэл хот юм. 2006 оны байдлаар хүн ам нь 1,600,000 орчим бөгөөд дагуул хотуудын хамтаар 2,800,000 орчим оршин суугчтай. Засаг захигааны хувьд тус хот нь мужийн зэрэглэл бүхий, тусдаа захиргаатай хот юмэ. Зимбабве улсынхаа хамгийн том хот болохынхоо хувьд засаг захиргаа, худалдаа, харилцаа холбооны төв нь болно. Хотод тамхи, эрдэнэ шиш, хөвөн, нимбэг жимсний зах бий. сүлжмэл, төмөрлөг, химийн үйлдвэрүүд байхаас гадна хотын нутаг дэвсгэрээс алт олборлодог. Хараре хот нь далайн түвшнээс дээш 1483 метр өргөгдсөн, дулаан уур амьсгалтай.