From Wikipedia, the free encyclopedia
Хүн-аалз (Англи: Spider-Man) нь адал явдалт 2002 оны Америкийн кино юм. Зурагт номны «Марвел Комикс» компаний супер баатар Хүн аалзын адал явдлыг Дэвид Коэпп, Сэм Рэйми нар бичиж найруулан, Тоби Магуайр, Уиллем Дефо, Кирстен Данст, Жэймс Франко нарын жүжигчид тогложээ.
Хүн-аалз | |
---|---|
![]() | |
Найруулагч: | Сэм Рэйми |
Продюсер: | Ави Арад Йен Брюс Грант Кертис |
Зохиол: | Стэн Ли Стив Дитко Дэвид Коепп |
Дүрүүдэд: | Тоби Магуайр Уиллем Дефо Кирстен Данст Жеймс Франко |
Хөгжмийн зохиолч: | Дэнни Элфмэн |
Зураглаач: | Дон Бержесс |
Студи: | Marvel Entertainment |
Компани | Columbia Pictures |
Нээлт: | 2002 оны тавдугаар сарын 3 |
Хугацаа: | 121 мин |
Улс: | Америкийн Нэгдсэн Улс |
Хэл: | Англи |
Төсөв: | $140 сая |
Орлого: | $821,708,551 |
Дараагийн анги: | Хүн-аалз 2 |
Ахлах сургуулийн сурагч Питер Паркер генетикийн өөрчлөлтөд орсон аалзанд хазуулснаар киноны өрнөл эхлэх ба хувьсан өөрчлөгдсөн чадвараа буруугаар ашигласанаас болж авга Бен нь нас барах ба баатарлаг Хүн-аалз болно. Петерийн хайртай бүсгүй Мэри Жэйн Уотсон нь өөр залуутай үерхдэг байх ба түүний сайн найз Харри Осборны аав «Ногоон Гоблин» гэгч бурангуй үзэлтэн болох бөгөөд Хүн-аалз түүнтэй өрсөлдөнө.
«Columbia Pictures» бүтээсэн ба 2002 оны 5 сарын 3-нд нээлтээ хийж, тухайн жилдээ 821.71 сая долларын ашиг орлого олж бүх цаг үеийн ашиг орлогоороо тэргүүлэгч 24 кинонд багтсан шилдэг бүтээл болсон байна. Дараагийн хоёр цуврал нь ч мөн адил дээрх амжилтыг давтсан билээ.
Питер Паркер бол бүрэг, эв дүйгүй хүү, Нью-Йорк хотын захын дүүрэгт авга ах Бен болон авга эгч Мэй нартайгаа хамт амьдардаг. Хөрш Мэри Жэйн Уотсон нь сэтгэл татам, нөхөрсөг охин ба биерхүү найз залуутай. Питерийн найз Харри Осборн нь Америкийн Нэгдсэн Улсын цэргийн хүчний зэвсэг нийлүүлэгч «Оскорб» корпорацийн эзэн Норман Осборны хүү. Генетикийн лаборатортой танилцах үеэрээ Питер генетикийн туршилтын аалзанд хазуулна. Гэртээ ирж унтлагын өрөөндөө ухаан алдаж, дараагийн өдөр түүний нүдний хараа эрс сайжирч, булчинлаг, мөн бугуйнаас нь торон утас гардаг, рефлекс нь маш хурдан болно. Сургууль дээрээ Мэри Жэйнийг халтиран унахаас аварч, найз залууг нь хялбар ялна. Аалзанд хазуулсанаас хойш аалзтай төстэй болж байгаагаа ойлгосон тэр хана өөд авирч, байшингийн дээвэр хооронд үсрэн хотоор сэлгүүцэх ажээ.
Питер бөхийн тэмцээнд оролцож, ялагчийн 3000 доллараар Мэри Жэйнд сэтгэгдэл төрүүлэх спорт машин авахаар шийддэг. Тэмцээн болох өдөр авга Бен эцэг ёсны зөвлөгөө өгөхийг хичээсэн ч Петер үгээр дайран үл тооно. Тэмцээнд Питерийг "Хачирхалтай Хүн-аалз" хэмээн хөтлөгч зарлах ба тэр өрсөлдөгчөө ялсан ч хариуцагч хүн 100 доллар л өгнө. Яг энэ үед дээрх хүнийг дээрэмдсэн этгээдийг өс санан оргуулах боловч оргуулсан дээрэмчин нь авга ах Бенийг алсан байна. Бений үхэлд хариуцлага хүлээх, түүний зөвлөгөөг хүлээн аваагүйдээ гэмших зэргээр өөрийгөө буруутган хүн-аалзын хувиар гэмт хэрэгтэнтнүүдтэй тэмцдэг болж өөрийн зургаа «Daily Bugle» сонины эрхлэгч Ж. Ж. Жеймсонд худалдаж мөнгө олдог болно.
Энэ хооронд цэргийн эрхтнүүдийн дарамтаас гарсан Норман Оскорпын аюултай туршилтаа өөр дээрээ туршин хүчтэй болох боловч сөрөг тал нь давамгайлж өөрийн туслах, өрсөлдөгч эрдэмтдээ хөнөөж, хиймэл араг ясан өмсгөл, нисдэг тавцангаар нисч үймээн дэгдээгч болон хувирдаг. Улмаар Оскорпын захирлуудын зөвлөлийнхнийг олны өмнө хөнөөж, Жеймсон Норманы хоёрдагч төрхийг «Ногоон Гоблин» хэмээн нэрлэнэ. «Хүн-аалз»-ад хүчээ нэгтгэх саналыг Гоблин тавьсан ч эс зөвшөөрөх ба Норман Питерийг Хүн-аалз гэдгийг мэдэж, Ногоон Гоблин авга эгч Мэй рүү нь халддаг.
Мэйг эмнэлэгт сахиж Питерт Мэри Жэйн хүн-аалз таалагдаж байгаагаа хэлэх үед Питер түүнд хайртайгаа илэрхийлнэ. Хүн-аалзыг Мэри Жэйнд хайртайг Харри эцэгтээ хэлсэнээр Гоблин Мэри Жэйнийг барьцаалан Квинсборогийн гүүрний дээрээс хүүхдүүдийн суусан агаарын трамвайн хамтаар зэрэг унагаана. Аль алиныг нь аварсан ч хүн-аалзыг Гоблин авч оддог. Хүн-аалз Гоблиныг ялахад Норман хүүдээ хэлэхгүй байхыг захин нас барах бөгөөд түүний цогцсыг харшид нь авчирна. Энэ үед Харри хүн-аалз эцгийг нь алсан хэмээн өшөөгөө авахаар шийднэ. Мэри Жэйн Питерт хайртайгаа илэрхийлэн түүнийг үнссэн ч түүнд аюул занал учруулахаас эмээн Питер зөвхөн сайн найзууд болцгооё хэмээн өрнөл дуусдаг. Мэри Жэйнээс холдон явах үед авга Бений хэлж байсан «Их хүч чадалтай байх үед их хариуцлага ирдэг» үгс сонсогдон Хүн-аалзын шинэ амьдрал өрнөж байгааг илтгэнэ.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.