From Wikipedia, the free encyclopedia
Т-72 нь ЗХУ-д 1971 оноос эхлэн үйлдвэрлэгдсэн, хоёр дахь үеийн танк бөгөөд одоогоор дэлхийн 40 орчим улс, тэдний дотор ОХУ-ын хуурай замын хүчинд идэвхтэй үүрэг гүйцэтгэдэг юм. Т-72 танк өмнөх үеийн танкнаас илүү хүчирхэг 125 мм-ийн их буу, илүү сайн хөдөлгүүртэй хийгдсэн.
T-72 | |
---|---|
![]() Монголын Т-72 танк | |
Ерөнхий мэдээлэл | |
Бүрэлдэхүүн | 3 (Командлагч, жолооч, бууч) |
Урт | 6,9 м |
Өргөн | 3,6 м |
Өндөр | 2,2 м (цамхгийн орой хүртэл) |
Жин | 41,5 тонн байлдааны үеийн жин |
Ширхэгийн үнэ | 1,2-1,8 сая Америк $ |
Хуяглалт ба зэвсэг | |
Хуяглалт | Хосолмол хуяг |
Үндсэн зэвсэг | 1 × 125-мм-толигор голт их буу 2A46 |
Туслах зэвсэг | 1 × 7,62-мм-ПКТ (Тэнхлэг дагуу-МГ) 1 × 12,7-мм-НСВТ (АДX-МГ) |
Хөдлөх чадвар | |
Хөдөлгүүр | V-12-Олон бодисын мотор В-84 618 кВт (840 м.x) |
Зөөллөгч пүрш | Мушгиа гүүшин |
Дээд хурд | 60 км/ц[1] |
Чадал/Жин | 13,9 кВт/т (18,8 м.x/т) |
Туулах зай | 450 км (нэмэлт бактай бол 550 км) |
ОХУ-ын зэвсэгт хүчинд 5000 орчим янз бүрийн загварын Т-72 танк идэвхтэй үүрэг гүйцэтгэдэг гэсэн мэдээ бий. Т-72 хэд хэдэн дайн, тулаанд оролцсоны дотор, Чечений дайн багтаж байв. Өнөөдөр Т-72 нь Сирийн иргэний дайнд засгийн газрын хүчний давуу байдлыг хадгалахад чухал үүрэг гүйцэтгэж байна.
Гэхдээ Т-72-т ЗХУ-д үйлдвэрлэсэн өмнөх үеийн танкуудын нэг дутагдал хэвээрээ гэдгийг мэргэжилтнүүд онцолжээ. Тулалдааны практикаас үзэхэд, Т-72 нь РПГ болон бусад төрлийн танк эсэргүүцэгч жижиг пуужинд эмзэг юм. Энэ нь танкийн сум, галт хэрэгсэл нь тусгаарласан тасалгаанд бус, харин цамхагт багийн хүмүүстэйгээ нэг дор байх тул, сум буюу пуужин онож, хуягийг нь нэвтлэх үед галт хэрэгсэл тэсэрч, багийнхан нь амь үрэгдэх магадлал ихтэй.
Сирийн иргэний дайны туршлага дээр үндэслэн Т-72 танкийг хотын тулаанд зориулан сайжруулсан ажээ. Мөн, оросууд Т-72-ын дараах үеийн танк, Т-90-ийг сайжруулахдаа, дээрх дутагдлыг зохих хэмжээнд зассан ба Т-90 танк нь сум, галт хэрэгслийг тусгаарлах тасалгаа, нэмэлт хамгаалалттай болжээ.
2012 оны зун Монголын зэвсэгт хүчинд Төв аймгийн Сэргэлэн суманд байрладаг Зэвсэгт хүчний XXX дугаар ангид Т-72А хэмээх 1979 оноос үйлдвэрлэж эхэлсэн, 50 хүртэлх тооны танк хүлээлгэж өгсөн.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.