Одвогийн Балжинням

Одвогийн Балжинням (1960 онд Увс аймгийн Наранбулаг суманд төрсөн) -Монгол улсын гавьяат тамирчин, 2018 онд Хөдөлмөрийн баатар, үндэсний бөхийн улсын аварга. Үндэсний бөхийн холбооны дэд тэргүүн.

Одвогийн Балжинням

Төрсөн он	1960 он (63–64 настай)
Төрсөн газар	Монгол улсын Увс аймгийн Наранбулаг сум
Нэр солигдсон	Өлзий-Орших → Балжинням
Төрийн цол	Монгол улсын хөдөлмөрийн баатар, ардын багш, гавьяат тамирчин
Бөхийн цол	улсын аварга
Дууддаг нутаг	Увс аймгийн Наранбулаг сум
Цол ахисан он жил
Улсын аварга	1995 — мөнхөрсөн
Улсын арслан	1991 — дөрвөн жил
Улсын заан	1989 — хоёр жил
Улсын начин	1984 — таван жил
Түрүүлсэн	1 (1991)
Үзүүрлэсэн	2 (1989, 1994)
Шөвгөрсөн	17
Цагаан сарын барилдааны амжилт
Түрүүлсэн	1 (1987)
Үзүүрлэсэн	3 (1992, 1994, 1995)
Бусад бөх барилдааны амжилт
Улс орон	Монгол
Тамир, спорт	эрэгтэй жүдо

Намтар

1978 онд Улаанбаатар хотод Жүдогийн Улсын Залуучуудын аварга шалгаруулах тэмцээнд 86 кг жинд түрүүлсэн. Самбо бөхийн Улсын аварга шалгарууулах тэмцээнээс мөнгөн медаль хүртэж байсан.

1979 оноос самбо, жүдо бөхийн улсын шигшээ багт тамирчнаар орж ажиллажээ. 1985 онд самбо бөхийн дэлхийн аварга, 1989 онд Жүдо бөхийн дэлхийн аварга шалгаруулах тэмцээнээс мөнгөн медаль хүртэж эх орныхоо нэрийг дэлхийн тавцанд дуурсгаж гавьяат тамирчин болжээ. Жүдо бөхөөр дэлхийн болон олон улсын тэмцээнээс 14 алт, 9 мөнгө, 5 хүрэл медаль хүртсэн дэлхийд данстай бөх юм.

Үндэсний бөхөөр 1984 онд Д.Цэнд-Аюуш заанаар 5 давж начин цол, 1989 онд улсын аварга шалгаруулах тэмцээнд 32 бөхөөс 29 давж заан цол хүртсэн бол АХ-ын 70 жилийн ойгоор 1991 онд түрүүлж, 1994 оны наадмаар үзүүрлэсэн амжилтаараа 1995 онд улсын аварга цолыг хүртсэн байна. Тэрээр улсын наадамд 17 удаа шөвгөрчээ.

Мөн сонирхогчдын сүмо бөхийн дэлхийн аваргаас нэг мөнгө, 2 хүрэл медаль авсан.