Сүн Үкүн
From Wikipedia, the free encyclopedia
Сүн Үкүн (孙悟空, Sun Wukong, сүнь-ү-кун), Мичин ван — хятад уран зохиолын нэгэн алдарт дүр юм.
Сүн Үкүн | |
---|---|
Сүн Ү күн | |
Information | |
Хүйс | эр |
Төрсөн газар | Цэцэг жимст уул |
Сурвалж | Баруун этгээдэд зорчсон тэмдэглэл |
Чадвар | сэргэлэн, 72 дүр хувилах, үүл хөлөглөх, чөтгөрийг таних |
Зэвсэг | алтан бэрээ |
Багш | Тансаг лам |
Сүн улсын үеэс нааших үлгэр домгийн дүр болсон Сүн Үкүн 16-р зуунд Мин улсын үед зохиогдсон «Баруун этгээдэд зорчсон тэмдэглэл» зохиолын гол дүр бөгөөд түүнээс хойш олон зохиол бүтээлд тусгалаа олжээ. Баруунш зорчсон тэмдэглэлийн эхэнд Сүн Үкүнийг «Чулуунаас өөрөө төрсөн мичин чөтгөр Цэцэг жимст уулнаа ван болон сууж, бомбын сүмд ном үсэг, зэвсгийн эрдэмт суралцсанаар» дүрслэжээ. Мөн зохиолд «Хурмастын хаантай мөчөөрхснөөр Бурхан багшийн таван махбодын уулнаа дарагдаж, 500 жилийн дараа суллагдан Тансаг ламын шавь болон Баруунш ном авчрахаар аялснаар» дүрсэлжээ.
Сүн Үкүн мичин төрхтэй, сониуч, сэргэлэн зантай бөгөөд 13500 жинь (8 тонн орчим) хэмжээг хялбар өргөж, 108000 ли (21000 километр орчим) зайг нэг тонгоролтоор туулах хурд хүчтэй. Амьтан, биет гээд 72 янзаар хувилдаг. Зэвсгийн их эрдэмтэй, үүл хөлөглөн нисэж, усан дээр гүйж, чөтгөр шулмыг таних хараатай, хүнийг хөдөлгөөнгүй царцаах чадвартайгаар дүрслэгдсэн.