![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/94/T-54A_in_Prague.jpg/640px-T-54A_in_Prague.jpg&w=640&q=50)
Прагийн хавар
From Wikipedia, the free encyclopedia
Прагийн хавар (Чех: Pražské jaro, Словак: Pražská jar, англи. The Prague Spring ) - Бүгд Найрамдах Социалист Чехословак Улсад 1968 оны 1-р сарын 5-наас 8-р сарын 21-ний өдөр хүртэл Чехословакийн Коммунист Намын Төв Хорооны нэгдүгээр нарийн бичгийн даргаар Александер Дубчек сонгогдож нийгмийг либеральчилж иргэний эрх, эрх чөлөөг өргөтгөх, төрийн эрх мэдлийн төвлөрлийг багасгахад чиглэсэн үеийг хэлдэг юм.
![Thumb image](http://upload.wikimedia.org/wikipedia/commons/thumb/9/94/T-54A_in_Prague.jpg/640px-T-54A_in_Prague.jpg)
"Хүний дүр төрхтэй социализм" (чех. Socialismus s lidskou tváří) байгуулна гэж Александер Дубчекийн тунхагласан шинэчлэл нь иргэдэд илүү ардчилсан эрх олгох оролдлого байжээ. Үүнд: үг хэлэх, чөлөөтэй зорчих, төрийн хэвлэл мэдээллийн хэрэгсэлд тавих хяналтыг сулруулах зэрэг юм.
Улс төр, соёлын амьдрал дахь өөрчлөлт, гүйцэтгэх засаглалын шинэчлэлийг Зөвлөлт Холбоот Улс дэмжээгүй тул Чехословакт өрнөсөн жагсаал, цуглааныг дарах зорилгоор Варшавын гэрээний цэргүүдийг 1968 оны наймдугаар сарын 20-нд Чехословакт оруулж "Дунай" цэргийн ажиллагаа эхэлсэн юм. Энэ үйл явдал нь цагаачлалын давалгааг үүсгэсэн байна.