![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/76/Milo%25C5%25A1_Obili%25C4%2587%252C_by_Aleksandar_Dobri%25C4%2587%252C_1861.jpg/640px-Milo%25C5%25A1_Obili%25C4%2587%252C_by_Aleksandar_Dobri%25C4%2587%252C_1861.jpg&w=640&q=50)
Милош Обилич
From Wikipedia, the free encyclopedia
Милош Обилич буюу Кобилич (Серби хэл:Милош Обилић) нь Зета муж буюу өнөөгийн Монтенегрогоос гаралтай хөлөг баатар бөгөөд Сербийн эзэнт улс, Туркийн Османы эзэнт улстай хийсэн Косовогийн тулаанд Султан Мурад I-ийг хөнөөснөөрөө ихэд алдаршсан хүн юм.
Тэрээр Зетагийн Балшичийн ордны захирагч Джурадж II Страцимировичийн хөлөг баатар байсан гэх бөгөөд Косовогийн тулаанд оролцсноос өөрөөр түүний талаарх мэдээлэл тун ховор байдаг.
Милош Обилич | |
---|---|
![]() | |
Бүтэн нэр | Хөлөг баатар Милош Обилич |
Төрсөн газар | Сербийн эзэнт улс |
Нас барсан газар | Косовогийн тал |
Ажиллагаа/салбар | Морин цэрэг |
Косовогийн тулалдаан | Косовогийн тулалдаан |
Сербийн домогчилсон туульс, яруу найргийн бүтээлүүдэд Обиличийн талаар маш их гардаг. Түүнийг Гэгээн Георгийн лууны нийгэмлэгийг үндэслэгч – хөлөг баатар байсан гэх домог байдаг ч энэ нийгэмлэгийг Унгарын хаан Сигисмунд үндэслэсэн гэдэг нь батлагдсан байдаг байна. Энэ нийгэмлэгийн дайчдын бамбай дээр нь нарын 12 цацрагийг дүрсэлсэн байдаг ба түүн дээр нь Обиличийг оруулсан 12 хөлөг баатрыг дүрсэлсэн байдаг байв. Тэдний дуулга нь лууны дүрстэй байдаг бөгөөд энэ нь Мурад I султаны үхлийг бэлэгдсэн байдаг ажээ. Энэ нийгэмлэгийн хөлөг баатруудыг Европын түүхэн дэх хамгийн хүчирхэг хөлөг баатрууд гэж нэрлэдэг байна.