Киевийн метро (Украин: Ки́ївський метрополіте́н) нь 2014 оны байдлаар 3 шугам, 52 өртөөтэй, шилжиж суух 3 өртөөтэй бөгөөд нийт урт нь 69,648 км байдаг байна. 1960 оны 11 сарын 6-нд нээгдсэн.
2022 оны 2-р сарын 24-нд Оросын цэрэг Украин руу довтлох үед метро нь Киев хотын оршин суугчдын орогнох байр болж байжээ.
Анх 1884 онд Киев хотод метро барих тухай төсөл яригдаж байгаад хойшлоод 1916, 1918 ондуудад асуудал сөхөгдөж байжээ.
1936 оны 7-р сарын 9-нд Киев хотын Зөвлөлийн Тэргүүлэгчид Москвагийн Тээврийн инженерийн дээд сургуулийг төгссөн Папазовын "Киевийн метроны төсөл" гэсэн дипломын ажлыг авч хэлэлцээд 1938 онд метро барих бэлтгэл ажил эхэлсэн боловс Дэлхийн хоёрдугаар дайн эхлэж метро барих ажил зогссон байна.
Дайны үеэр Киев хотыг сүйрүүлсэн учраас хотыг сэргээн босгох цогц ажлыг Холбооны төсвөөс санхүүжүүлэхээр болжээ. Энэхүү төлөвлөгөөнд метро барих ажил ч мөн багтсан байна. 1945 оны 2-р сарын 22-нд ЗХУ-ын Ардын Комиссаруудын Зөвлөл Киевт метро барих тухай тогтоол гаргасан. 1945 оны 7-р сар гэхэд метроны шугам барихаар төлөвлөж гурван үндсэн чиглэлийг тодорхойлсон байна.
Гэсэн хэдий ч метро барих бодит ажил 1949 оны 4-р сарын 14-нд ЗХУ-ын Зам холбооны яамны тушаалаар метроны барилгын Филипп Иванович Кузьмин даргатай "Киевметрострой" удирдах газар байгуулагдсанаар эхэлсэн байна. 1949 оны 8-р сард барилгын төслийн баг байгуулж барилгын ажил эхлээд 1960 оны 11-р сард нээлтээ хийж эхний өртөөнүүд ажиллаж эхэлсэн байна.
2025 он гэхэд дахин нэг шугам барих ажил явагдаж байгаа бөгөөд дахиад нэг шугам барих төслийн ажил эхлээд байгаа юм.
1990-ээд оны эхээр зарим өртөөний нэрийг өөрчилсөн (энэ нь коммунизмыг устгасантай холбоотой). Өртөөнүүдийн дотоод засал чимэглэлд анх орсон Зөвлөлтийн бэлгэ тэмдгүүдийг авч хаясан байна.
![Thumb](http://upload.wikimedia.org/wikipedia/commons/thumb/1/1f/Vokzalna_metro_station_Kiev_2010_01.jpg/640px-Vokzalna_metro_station_Kiev_2010_01.jpg)
![Thumb](http://upload.wikimedia.org/wikipedia/commons/thumb/f/ff/Arsenalna_metro_station_Kiev_2010_04.jpg/640px-Arsenalna_metro_station_Kiev_2010_04.jpg)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.