Чарльз Жозеф Жон Харт[4] (Англи: Charles Joseph John Hart, 1987 оны дөрөвдүгээр сарын 19-нд төрсөн) буюу Жо Харт (Англи: Joe Hart) — Английн хөлбөмбөгчин бөгөөд Премьер лигийн Манчестер Сити болон Английн шигшээн хаалгач юм.
![]() Харт Английн шигшээд (Евро-2012). | |||
Хувийн мэдээлэл | |||
---|---|---|---|
Бүтэн нэр | Чарльз Жозеф Жон Харт[1] | ||
Төрсөн огноо | 1987 оны 4 сарын 19 | ||
Төрсөн газар | Англи, Шрусбери | ||
Өндөр | 1.96 м[2][3] | ||
Байрлал | Хаалгач | ||
Багийн мэдээлэл | |||
Одоогийн баг | Манчестер Сити | ||
Дугаар | 1 | ||
Өсвөрийн баг | |||
2002–2003 | Шрусбери Таун | ||
Мэргэжлийн замнал* | |||
Он | Баг | Гараа† | (Гоол)† |
2003–2006 | Шрусбери Таун | 54 | (0) |
2006– | Манчестер Сити | 173 | (0) |
2007 | → Транмир Роверс (зээл) | 6 | (0) |
2007 | → Блэкпүүл (зээл) | 5 | (0) |
2009–2010 | → Бирмингем Сити (зээл) | 36 | (0) |
Шигшээ баг‡ | |||
2005–2006 | Англи (19-) | 6 | (0) |
2007–2009 | Англи (21-) | 21 | (0) |
2008– | Англи | 39 | (0) |
* Мэргэжлийн замналын тоглолтын (гоол) үзүүлэлтийг дотоодын лигтэй нь уялдуулсан болно. Сүүлд шинэчилсэн: 2013 оны 10 сарын 27. † Гараа (Гоол). |
Харт 2010 оны есдүгээр сард шигшээ багийн бүрэлдэхүүнд томоохон тэмцээний анхны гараагаа хийхдээ Английн тэргүүн хаалгач болохоо харуулсан гэх ба Английн хөгжөөн дэмжигчдийн талархалыг хүлээгээд буй. 2010 онд Мэргэжлийн хөлбөмбөгчдийн холбооны «Оны шилдэг залуу тоглогчийн» номинацид нэр дэвшиж Манчестер Сити багийн анд Жеймс Милнерт ялагдаж байв. Харин тэрээр 2009-10 оны Премьер лигийн «Оны шилдэг хаалгачын» санал асуулгад ялалт байгуулж байсан нь бий.
Дээр дурдсаны дагуу Хартыг шигшээ багийн түүхэнд цахиур хагалж болох хаалгач гэснийг тодотговол, өдгөө цагийн дэлхийн шилдэг залуу хаалгачдын нэг[5] хэмээн түүнийг Дэлхийн цомд түрүүлж байсан хаалгачид болох Английн Гордон Бэнкс[6] Италийн Жанлуижи Буффон[7] болон Испанийн Икер Касильяс нар дүгнэсэн нь бий.[8]
Тэрээр төрсөн нутгийнхаа Шрусбери Таун багаас 2003 онд хөлбөмбөгчний замналаа эхлүүлэн 2006 оныг хүртэл тогложээ. Тус багт 2005–06 оны улиралд 46 тоглолтонд оролцож 55 оновчтой довтолгоог тасалж байсан амжилтыг үзүүлсэн байна. 2006 онд Манчестер Сити багт элсчээ. Улмаар 2006 оны аравдугаар сарын 14-нд Премьер лигийн Шеффилд Юнайтед багтай хийсэн тоглолтонд анхны гараагаа хийж, тус тоглолтонд үүргээ гүйцэтгэн гоолгүйгээр тэнцэж байв.
![Thumb](http://upload.wikimedia.org/wikipedia/commons/thumb/1/17/JoeHart_Augsburg.jpg/640px-JoeHart_Augsburg.jpg)
2007 оны нэгдүгээр сард Харт сарын хугацаатайгаар Нэгдүгээр лигийн Транмир Роверс багт зээллэгээр очсон ба 6 тоглолтонд оролцож 8 гоолыг хаалгандаа алдсан байх юм.
Улмаар Блэкпүүл багт 2007 оны дөрөвдүгээр сард зээллэгээр очин тогложээ.
Зээллэгээр амжилттай тоглосон Хартыг Манчестер Ситид эргэн ирэхэд тухайн үеийн дасгалжуулагч Свен-Ёран Эрикссон багийн нэгдүгээр хаалгачаар тоглуулах болсон ба "авъяасаа" нээн таниулах болсон залуу хаалгачыг[9] 2008 оны зургаадугаар сарын 1-нд Английн шигшээ Тринадад ба Тобагогийн шигшээгийн эсрэг тоглолтонд дуудан тоглуулсан түүхтэй.
Манчестер Сити багт 2009 оны нэгдүгээр сард ирсэн Шей Гивен нэгдүгээр хаалгач болсонтой холбогдон Хартын гараанд гарах боломж хязгаарлагдмал болж ирсэн байна. Энэ үед Бирмингем Сити багийн удирдлагууд хүнд байдалд ороод байсан багаа лиг өндөрлөхөөс өмнө тогтоож барихын тулд хаалгач авч тоглуулахаар Манчестер Ситид хандан Хаартыг зээллэгээр авч тоглуулах болсон байна.[10] Зээллэгээр ирсэнээс нь хойш Бирмингем 12 тоглолт дараалан хожигдол амсалгүй тоглосоор[11][12] дээд лигтээ тогтсон юм.
- Манчестер Сити
- Премьер лигийн аварга (2): 2011-12, 2013-14
- Английн цомын эзэн (1): 2011
- Английн супер цомын эзэн (1:): 2012
- Лигийн цомын эзэн (1): 2014
- Нийт: 4 цом
- Хувийн
- Премьер лигийн алтан бээлий (3): 2010-11 , 2011-12, 2012-13
- Премьер лигийн бэлгэдлийн баг (2): 2009-10 , 2011-12
- Бирмингем Ситигийн шилдэг тоглогч (1): 2009-10
- Манчестер Ситигийн шилдэг тоглогч (1): 2010-11
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.