![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/51/La_fa%25C3%25A7ade_du_Zapp%25C3%25A9ion_%2528Ath%25C3%25A8nes%2529_%252830177808993%2529.jpg/640px-La_fa%25C3%25A7ade_du_Zapp%25C3%25A9ion_%2528Ath%25C3%25A8nes%2529_%252830177808993%2529.jpg&w=640&q=50)
Афин
From Wikipedia, the free encyclopedia
Афин (гре. Αθήνα, Athina) нь Грекийн нийслэл бөгөөд хамгийн том хот нь юм. Аттика периферигийн ихэнхийг эзлэдэг. Афин нь дэлхийн хамгийн эртний хотуудын нэг бөгөөд 3,000 жилийн бичигдсэн түүхтэй.
Афин
Αθήνα | |
---|---|
Хоч: | |
Улс | ![]() |
Газарзүйн бүс нутаг | Төв Грек |
Муж | Аттика |
Мужийн дүүрэг | Төв Афин |
Дүүргүүд | 7 |
Засаг захиргаа | |
• Төрөл | Хотын дарга-зөвлөл |
• Хотын дарга | Харис Дукас (ПАСОК – Өөрчлөлтийн төлөөх хөдөлгөөн) |
Газар нутаг | |
• Нийслэл болон хотын захирга | 38.964 км2 (15.044 бээр2) |
• Хотын нутаг | 412 км2 (159 бээр2) |
• Бөөгнөрөл | 2,928.717 км2 (1,130.784 бээр2) |
Хамгийн өндөр цэг | 338 м (1,109 фут) |
Хамгийн нам цэг | 70.1 м |
Хүн ам (2021)[3] | |
• Нийслэл болон хотын захирга | 643,452 |
• Байр | 1-р байр |
• Хотын нутаг | 3,059,764 |
• Нягтрал | 7,400/км2 (19,000/бээр2) |
• Бөөгнөрөл | 3,638,281 |
• Нягтрал | 1,200/км2 (3,200/бээр2) |
Иргэдийн нэршил | Афинчууд |
ДНБ (нэрлэсэн) (2020) | |
• Нийт | €75.1 тэрбум |
• Нэг хүнд ноогдох | €20,600 |
Цагийн бүс | UTC+2 (ЗЕЦ) |
• Зун (ЗЦ) | UTC+3 (ЗЕЗЦ) |
Шуудангийн код | 10x xx, 11x xx, 120 xx |
Утас | 21 |
Улсын дугаар | Yxx, Zxx, Ixx |
Томоохон нисэх буудлууд | Афины олон улсын нисэх онгоцны буудал |
Вэб сайт | cityofathens.gr |
Афины захиргаа доорх 39 км² газар нутагт 2001 оны байдлаар 745,514 хүн амьдарч байна. Афины хотын хүн ам нь 2005 оныхоор 3.37 сая хүн амтай байжээ. Афин мужийн газар нутаг нь 412 км² бөгөөд 3,192,606 хүн амтай. Афины Их Хотын Бүсийн (Larger Urban Zone, LUZ) хүн ам нь Европын холбоо дахь LUZ-уудаас наймд жагсдаг. Афин нь маш хөдөлгөөнтэй, олон орны иргэд амьдардаг газар бөгөөд Грекийн эдийн засаг, санхүү, аж үйлдвэр, улс төр, соёл урлагийн төв юм. Одоогоор Европын холбооны тэргүүлэгч бизнесийн төвүүдийн нэг болж хөгжсөөр байна. 2008 оны UBS-ын судалгаагаар дэлхийн 32 дахь баян хотоор шалгарчээ.
Сонгодог Афин хот нь их хүчирхэг хот-улс байв. Соёл урлаг, эрдэм мэдлэг, гүн ухааны төв байсан бөгөөд Платоны академи, Аристотелийн лицей зэрэг байрлаж байжээ. Афин хотод Сократ, Перикл, Софокл зэрэг философичид, мөн тухайн үеийн хамгийн алдар нэр бүхий зохиолч, улс төрчид төрсөн байна. МЭӨ 5 болон 4-р зууны үед Европ тивийн бусад газарт үзүүлсэн соёл урлаг, улс төрийн нөлөөнүүдээс нь болж Афин нь барууны соёл иргэншлийн ба ардчиллын үүсэн хөгжсөн газар гэгддэг.
Афинд сонгодог үеийн өв, нөлөө нь ихэд мэдрэгддэг бөгөөд энэ нь олон тооны эртний хөшөө дурсгал, уран зураг, барималуудад дүрслэгдэнэ. Эдгээрээс хамгийн алдартай нь эртний барууны соёл иргэншлийн тэмдэг гэгддэг Акрополь дахь Парфенон юм. Грекийнхээс гадна Афинд түүхийг нь өгүүлсэн Ром, Византын эзэнт гүрнүүдийн олон, Османы эзэнт гүрний цөөн тооны хөшөө дурсгал байдаг. 1830 оноос (Грекийн тусгаар тогтносон өдөр) хойших орчин үеийн зүйлүүд ч элбэг тохионо. Эдгээрт 19-р зууны Грекийн парламент, мөн Афины гурвал (номын сан, их сургууль, академи) ордог. Афин хотод 1896 оны анхны орчин үеийн Олимпын наадам зохиогдсон бөгөөд 108 жилийн дараа 2004 оны дахин амжилттайгаар зохион байгуулагдсан аж.