From Wikipedia, the free encyclopedia
Алексей Осипович Ратманский (англи. Alexei Ratmansky. 1968 оны 8-р сарын 27-нд ЗХУ-ын Ленинград хотод төрсөн) -украины, оросын, дани улсын болон америкийн гоцлол балетчин, балетмейстер, 2004-2009 онд Оросын Большой театрын балетын уран сайхны удирдаач. Украины гавьяат жүжигчин (1993).
Алексей Ратманский Ленинград хотод зохион бүтээгч, Киевийн Үндэсний нисэхийн их сургуулийн Сансар судлалын хүрээлэнгийн судлаач Осип Иегудович Ратманскийн гэр бүлд төрсөн. Эх - Валентина Васильевна Ратманская - сэтгэл мэдрэлийн эмч. Тэрээр бага насаа Киев хотод өнгөрөөсөн.
1978-1986 онд тэрээр Москвагийн балетын бүжгийн сургуульд суралцсан бөгөөд түүний багш нар нь Александра Маркеева, Андрей Силантьев, Евгения Фарманянц нар байсан.
1986-1992, 1995-1997 онуудад Тарас Шевченкогийн нэрэмжит Украины Үндэсний дуурийн театрын тэргүүлэх бүжигчин байв. 1988-1992 онд тэрээр Москвагийн Улсын Театрын урлагийн дээд сургуульд Дмитрий Брянцевын ангид суралцсан.
1992-1995 онд Виннипегийн хааны балетын (англи. Royal Winnipeg Ballet) тэргүүлэх бүжигчинээр Жорж Баланчин, Фредерик Аштон, Энтони Тюдор, Руди ван Данциг, Жон Ноймаер, Твайла Тарп нарын балетад тоголсон. Марк Годден, Уильям Вайтнер нарын нэгдүгээр балетчин байсан.
1997-2003 онуудад Данийн хааны балетад бүжигчин байхдаа Бурнонвиль, Нуреев, Баланчин, Бежар, Ноймайер, Матс Эка, Лифар, Мартинс нарын балетын тэргүүлэх гоцлол бүжигчин байсан.
2004 оны 1-р сарын 1-ээс 2009 оны 1-р сарын 1 хүртэл - Оросын Большой театрын балетын уран сайхны удирдаач.
2009 оноос хойш Америкийн балетын театрт (англи. American Ballet Theatre) байнгын балетын бүжиг дэглээчээр ажиллаж байна.
2022 оны 2-р сард Оросууд Украин руу довтолсоны дараа А.Ратманский Орос улсыг орхисон байна.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.