അണുഭൌതികശാസ്ത്രത്തിൽ അറിയപ്പെടുന്ന നാല് അടിസ്ഥാന പ്രവർത്തനങ്ങളിൽ മൂന്നെണ്ണത്തിനേയും അടിസ്ഥാനകണങ്ങളേയും സംബന്ധിക്കുന്ന സിദ്ധാന്തമാണ് സ്റ്റാൻഡേർഡ് മോഡൽ. ഈ കണികകൾ കൊണ്ടാണ് ഈ പ്രപഞ്ചത്തിൽ കാണപ്പെടുന്ന എല്ലാ ദ്രവ്യവും നിർമ്മിക്കപ്പെട്ടിരിക്കുന്നത് എന്നു ശാസ്ത്രം കരുതുന്നു. SU(3) X SU(2) X U(1) എന്ന ഗേജ് ഗ്രൂപ്പ് വൈദ്യുതദുർബ്ബല-പ്രബലപ്രവർത്തനങ്ങളെ സംബന്ധിക്കുന്ന ഒരു ഗേജ് സിദ്ധാന്തം ആണിത്.
ഇരുപതാം നൂറ്റാണ്ടിന്റെ മധ്യത്തിൽ നടത്തിയ എല്ലാ ഉന്നതോർജ്ജ ഭൗതികശാസ്ത്രപരീക്ഷണങ്ങളുടെ ഫലങ്ങളും ഈ സിദ്ധാന്തത്തെ സാധൂകരിക്കുന്നുണ്ട്. പക്ഷേ നിലവിൽ അടിസ്ഥാന പ്രവർത്തനങ്ങളിൽ ഇത് അപൂർണ്ണമാണ്, കാരണം ഗുരുത്വാകർഷണം, തമോദ്രവ്യം എന്നിവയെ ഇതു വിശദീകരിക്കുന്നില്ല. കൂടാതെ ലെപ്റ്റോണുകളിലും ഇതിന്റെ വിശദീകരണം പൂർണ്ണമല്ല, ന്യൂട്രിനോകളുടെ പിണ്ഡം പൂജ്യമല്ല എന്നു വ്യക്തമാക്കുന്നെങ്കിലും അതെത്രയാണെന്ന് പറയുന്നില്ല.
അടിസ്ഥാന കണികകളുടെ സ്റ്റൻഡേർഡ് മോഡൽ, ഗ്വേജു ബോസോണുകളെ അവസാന നിരയിൽ കാണിച്ചിരിക്കുന്നു.