ലെബനാൻ
മദ്ധ്യധരണാഴിയുടെ വക്കിലായി സ്ഥിതിചെയ്യുന്ന രാജ്യം / From Wikipedia, the free encyclopedia
മദ്ധ്യപൂർവ്വദേശത്ത് മദ്ധ്യധരണാഴിയുടെ വക്കിലായി സ്ഥിതിചെയ്യുന്ന ഒരു ചെറിയ, മലകൾ നിറഞ്ഞ രാജ്യമാണ് ലെബനൻ (അറബി: لبنان ലുബ്നാൻ). സിറിയ (വടക്ക്, കിഴക്ക്), ഇസ്രയേൽ (തെക്ക്) എന്നിവയാണ് ലെബനന്റെ അതിരുകൾ. ലെബനന്റെ കൊടിയിൽ ഒരു പച്ച ചെഡാർ മരം വെള്ള പശ്ചാത്തലത്തിൽ ആലേഖനം ചെയ്തിരിക്കുന്നു. ഇതിനു വശങ്ങളിൽ മുകളിലും താഴെയുമായി രണ്ട് ചുമന്ന കട്ടിയുള്ള വരകളും ഉണ്ട്. ബെയ്റൂട്ടാണ് ലെബനന്റെ തലസ്ഥാനനഗരം. ലെബനനിലെ സമൂഹങ്ങളിലെയും മതങ്ങളിലെയും വൈവിധ്യം കാരണം കൺഫെഷണലിസം എന്ന ഒരു പ്രത്യേക രാഷ്ട്രീയ സംവിധാനമാണ് ലെബനനിൽ നിലനിൽക്കുന്നത്. കഴിയുന്നത്ര സമതുലിതമായി വിവിധ വിഭാഗങ്ങൾക്ക് അധികാരം വിഭജിച്ചുകൊടുക്കുക എന്നതാണ് കൺഫെഷണലിസത്തിന്റെ കാതൽ. [1]
الجمهورية اللبنانية Al-Jumhūriyyah al-Lubnāniyyah La république Libanaise Lebanese Republic | |
---|---|
ദേശീയ ഗാനം: Kulluna lil-watan lil 'ula lil-'alam | |
തലസ്ഥാനം and largest city | ബെയ്റൂത്ത് |
ഔദ്യോഗിക ഭാഷകൾ | Arabic, French(de facto) |
നിവാസികളുടെ പേര് | Lebanese |
ഭരണസമ്പ്രദായം | Republic |
• President | Michel Suleiman |
• Prime Minister | Najib Mikati |
Independence from France-administered League of Nations mandate | |
• Declared | November 26, 1941 |
• Recognized | November 22, 1943 |
• ആകെ വിസ്തീർണ്ണം | 10,452 km2 (4,036 sq mi) (166th) |
• ജലം (%) | 1.6 |
• February 2008 estimate | 4,196,453 (125th) |
• ജനസാന്ദ്രത | 358/km2 (927.2/sq mi) (26th) |
ജി.ഡി.പി. (PPP) | 2006 estimate |
• ആകെ | $21.45 billion (103rd) |
• പ്രതിശീർഷം | $6,100 (90th) |
എച്ച്.ഡി.ഐ. (2007) | 0.772 Error: Invalid HDI value · 88th |
നാണയവ്യവസ്ഥ | Lebanese Lira (LL) (LBP) |
സമയമേഖല | UTC+2 (EET) |
UTC+3 (EEST) | |
കോളിംഗ് കോഡ് | +961 |
ISO കോഡ് | LB |
ഇൻ്റർനെറ്റ് ഡൊമൈൻ | .lb |
ലെബനീസ് ആഭ്യന്തരയുദ്ധം (1975-1990) വരെ ലെബനൻ താരതമ്യേന ശാന്തവും സമൃദ്ധവുമായിരുന്നു. വിനോദസഞ്ചാരം, കൃഷി, ബാങ്കിങ്ങ് വ്യവസായം എന്നിവ ലെബനന്റെ സാമ്പത്തിക വളർച്ചയ്ക്ക് ആക്കം കൂട്ടി.[2] അറബ് ലോകത്തിന്റെ ബാങ്കിങ്ങ് തലസ്ഥാനമായും മദ്ധ്യപൂർവ്വദേശത്തെ സ്വിറ്റ്സർലാന്റ് ആയും ലെബനൻ അറിയപ്പെട്ടു.[3][4]. ധാരാളം വിനോദസഞ്ചാരികളെയും ലെബനൻ ആകർഷിച്ചു. [5] വിനോദസഞ്ചാരികളുടെ എണ്ണം കാരണം മദ്ധ്യപൂർവ്വദേശത്തെ പാരീസ് എന്ന് ലെബനന്റെ തലസ്ഥാനമായ ബെയ്രൂട്ട് അറിയപ്പെട്ടു.[6]