ഇന്ത്യയിലെ മഹാരാഷ്ട്രയിലെ ജില്ല From Wikipedia, the free encyclopedia
ഇന്ത്യയിലെ മഹാരാഷ്ട്ര സംസ്ഥാനത്തിലെ ഒരു ജില്ലയാണ് ലാത്തൂർ ജില്ല (മറാഠി ഉച്ചാരണം: [laːt̪uːɾ]). ജില്ലയുടെ ആസ്ഥാനവും മഹാരാഷ്ട്രയിലെ 16-ാമത്തെ വലിയ നഗരമായ ലാത്തൂർ നഗരമാണ് ജില്ലാ ആസ്ഥാനം.[1]
ജില്ല പ്രധാനമായും കാർഷിക മേഖലയാണ്. 2011 ലെ സെൻസസ് പ്രകാരം ലാത്തൂർ ജില്ലയി ജനസംഖ്യ 2,454,196 ആണ്. മൊത്തം ജനസംഖ്യയുടെ 25.47% നഗരവാസികളാണ്.[2]
ലാത്തൂരിന് ഒരുപക്ഷേ രാഷ്ട്രകൂട കാലഘട്ടം മുതലുള്ള പുരാതന ചരിത്രമുണ്ട്. എഡി 753-973 ഡെക്കാൻ ഭരിച്ച രാഷ്ട്രകൂടരുടെ ഒരു ശാഖയായിരുന്നു ഇത്. ആദ്യത്തെ രാഷ്ട്രകൂട രാജാവായ ദന്തിദുർഗ ലാത്തലൂരിൽ നിന്നാണ്. ഇത ലാത്തൂരിൻ്റെ പഴയ പേര് ആയിരിക്കാം. രത്തൻപൂർ എന്നതും ലാത്തൂരിന്റെ ഒരു പഴയ പേരായി പരാമർശിക്കപ്പെടുന്നു.
നൂറ്റാണ്ടുകളായി ശതവാഹനന്മാർ, ശകന്മാർ, ചാലൂക്യർ, ദേവഗിരിയിലെ യാദവർ, ഡൽഹി സുൽത്താൻമാർ, ദക്ഷിണേന്ത്യയിലെ ബഹാമനി ഭരണാധികാരികൾ, ആദിൽഷാഹി, മുഗളർ എന്നിവർ ഈ പ്രദേശം ഭരിച്ചു.
പതിനേഴാം നൂറ്റാണ്ടിൽ ഇത് ഹൈദരാബാദ് എന്ന സ്വതന്ത്ര നാട്ടുരാജ്യത്തിൻ്റെ ഭാഗമായി.[3] 1905-ൽ ഇത് ചുറ്റുമുള്ള പ്രദേശങ്ങളുമായി ലയിപ്പിക്കുകയും ലാത്തൂർ തഹസിൽ എന്ന പേരിൽ ഉസ്മാനാബാദ് ജില്ലയുടെ ഭാഗമായി മാറുകയും ചെയ്തു. 1948 സെപ്റ്റംബർ 17 വരെ ലാത്തൂർ, നൈസാമുകളുടെ കീഴിൽ ഹൈദരാബാദ് രാജ്യത്തിൻ്റെ ഭാഗമായിരുന്നു. 1960 മെയ് 1-ന് മഹാരാഷ്ട്ര രൂപീകൃതമായതോടെ ഉസ്മാനാബാദ് അതിന്റെ ജില്ലകളിൽ ഒന്നായി. മുൻ സഹകരണ മന്ത്രിയായ കേശവറാവു സോനാവനെയുടെയും പിന്നീട് നിയമസഭയിൽ പുതുതായി തിരഞ്ഞെടുക്കപ്പെട്ട വിലാസ്റാവു ദേശ്മുഖിന്റെയും പരിശ്രമഫലമായി 1982 ഓഗസ്റ്റ് 16-ന് ഉസ്മാനാബാദ് ജില്ലയിൽ നിന്ന് വേർപെടുത്തി ലാത്തൂർ ജില്ല രൂപീകരിച്ചു.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.