![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f7/WOA05_sea-surf_SAL_AYool.png/640px-WOA05_sea-surf_SAL_AYool.png&w=640&q=50)
ലവണസാന്ദ്രത
From Wikipedia, the free encyclopedia
നിശ്ചിതവ്യാപ്തം ജലത്തിൽ അലിഞ്ഞുചേർന്നിട്ടുള്ള വ്യത്യസ്തലവണങ്ങളുടെ അളവിനെയാണു് ആ ജലത്തിന്റെ ലവണസാന്ദ്രത (Salinity) എന്നു പറയുന്നതു്. പ്രകൃതിയിൽ കാണപ്പെടുന്ന ജലസ്രോതസ്സുകളിലും ജലാശയങ്ങളിലും സാധാരണ കാണപ്പെടുന്ന ലവണങ്ങളിൽ പ്രധാനപ്പെട്ടതു് കറിയുപ്പാണു് (സോഡിയം ക്ലോറൈഡ്). ഇവയ്ക്കു പുറമേ മഗ്നീഷ്യത്തിന്റേയും കാത്സ്യത്തിന്റേയും സൾഫേറ്റുകൾ, ക്ലോറൈഡുകൾ, ബൈകാർബണേറ്റുകൾ എന്നീ ലവണങ്ങളും ഗണ്യമായ അളവിൽ കാണാം.
ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
![](http://upload.wikimedia.org/wikipedia/commons/thumb/f/f7/WOA05_sea-surf_SAL_AYool.png/640px-WOA05_sea-surf_SAL_AYool.png)
സമുദ്രജലത്തിലും പുറത്തേക്ക് ഒഴുക്കില്ലാത്ത തടാകങ്ങളിലുമാണു് ലവണാംശം കൂടിയ തോതിൽ ഉള്ളതു്. മഴ, ബാഷ്പീകരണം, അകത്തേക്കും പുറത്തേക്കുമുള്ള വാർഷികജലപ്രവാഹത്തിന്റെ തോതു്, സമുദ്രനിരപ്പിൽ നിന്നുള്ള വ്യത്യാസം ഇവ അനുസരിച്ച് ഒരു ജലാശയത്തിലെ ലവണാംശത്തിനു് വ്യത്യാസം വരാം.