പോസിക്സ്
From Wikipedia, the free encyclopedia
യുണിക്സുമായി താദാമ്യമുള്ള സോഫ്റ്റ്വെയറുകളിൽ ഉപയോഗിക്കുന്നതിനായുള്ള ആപ്ലിക്കേഷൻ പ്രോഗ്രാമിങ്ങ് ഇന്റർഫേസസ്സ് നിർവചിക്കുന്നതിനായുള്ള ഐ.ഇ.ഇ.ഇ. മാനദണ്ഡകുടുബത്തിനെ മൊത്തത്തിൽ പറയുന്ന പേരാണ് പോസിക്സ് (POSIX, അതായത് "Portable Operating System Interface for Unix"[1]). ഏത് ഓപ്പറേറ്റിങ്ങ് സിസ്റ്റത്തിനും ഈ മാനദണ്ഡം ഉൾപ്പെടുത്താമെങ്കിലും യുണിക്സിന്റെ വകഭേദങ്ങളിൽ ഉപയോഗിക്കപ്പെടുന്ന ഷെൽ, യൂറ്റിലിറ്റികളുടെ ഇന്റർഫേസുകൾ എന്നിവ ഇതിൽ ഉൾപ്പെടുന്നു[2][1] IEEE Std 1003.1-1988 എന്നായിരുന്നു ഇതിന്റെ പൂർവ്വകാല നാമം, സൂചിപ്പിക്കുന്നതുപോലെ തന്നെ 1988 ലാണ് ഇത് പുറത്തിറങ്ങിയത്. 1985 ന്റെ അടുത്ത് തുടങ്ങിയ പദ്ധതിയിൽ നിന്നാണ് ഇത് ഉരുത്തിരിഞ്ഞ് വന്നത്. [3]ഐഇഇഇയുടെ വ്യാപാരമുദ്ര കൂടിയാണ് പോസിക്സ്. പോസിക്സ് എന്നത് ആപ്ലിക്കേഷന് വേണ്ടിയും സിസ്റ്റം ഡെവലപ്പർക്ക് വേണ്ടിയും ഉപയോഗിക്കാൻ ഉദ്ദേശിച്ചുള്ളതാണ്.[4]