![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/13/Parakkad.jpg/640px-Parakkad.jpg&w=640&q=50)
പാറക്കാട്
കോഴിക്കോട് ജില്ലയിലെ ഒരു ഗ്രാമം / From Wikipedia, the free encyclopedia
കോഴിക്കോട് ജില്ലയിലെ മൂടാടി ഗ്രാമപഞ്ചായത്തിന്റെ വടക്കുഭാഗത്തായി സ്ഥിതിചെയ്യുന്ന ഭൂ പ്രദേശമാണ് പാറക്കാട്. മുചുകുന്നു വഴിയും വീരവഞ്ചേരിവഴിയും ചാക്കര വഴിയും മൂടാടി-പുറക്കൽ വഴിയും ഇവിടേയ്ക്ക് പ്രവേശിക്കാം. മൂന്നുഭാഗങ്ങളും വയലുകളാൽ ചുറ്റപ്പെട്ട ഒരു ഭൂപ്രദേശം കൂടിയാണ് പാറക്കാട്. ഭൂരിഭാഗം ജനങ്ങളും ഹിന്ദുമതസ്ഥരാണെങ്കിലും മുസ്ലീം മതത്തിൽ വിശ്വസിക്കുന്നവരും ഇവിടെ പരസ്പരം സൌഹാർദത്തോടെ വസിക്കുന്നു. ജലസേചനവകുപ്പിന്റെ പെരുവണ്ണാമൂഴി - ഇരിങ്ങൽ കറ്റ്യാടി ഇറിഗേഷൻ പദ്ധതിയുടെ പ്രധാന ശുദ്ധജല കനാൽ പദ്ധതിയിൽ ഒന്ന് പാറക്കാടിന്റെ അതിരുമുറിച്ചാണ് വീരവഞ്ചേരി വഴി തിക്കോടി പഞ്ചായത്തിലേക്കു കടന്നുപോകുന്നത്. ഈ കനാലിന്റെ ഭാഗമായ അക്വഡേറ്റ് മുചുകുന്ന് മലയേയും പാറക്കാടിനെയും ബന്ധിപ്പിക്കുന്നു. ദൃശ്യ ഭംഗിയാൽ അക്വഡേറ്റ് നാടിനെ പ്രകൃത്യാ മനോഹരമാക്കുന്നു. പാറക്കാടിന്റെ വടക്കേ അതിരിലുള്ള ദേശവാസികൾ ആശ്രയിക്കുന്ന ഒറവിൽകുളം പഞ്ചായത്തിന്റെ കീഴിലുള്ളതാണു്.
![Thumb image](http://upload.wikimedia.org/wikipedia/commons/thumb/0/00/Parakkadoravil.jpg/640px-Parakkadoravil.jpg)
![Thumb image](http://upload.wikimedia.org/wikipedia/commons/thumb/1/13/Parakkad.jpg/640px-Parakkad.jpg)