![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/78/Chendaa.jpg/640px-Chendaa.jpg&w=640&q=50)
പറ (വാദ്യം)
From Wikipedia, the free encyclopedia
ചെണ്ടയുടെ ആകൃതിയുള്ള ഒരു കേരളീയ തുകൽ വാദ്യമാണ് പറ എന്നും അറിയപ്പെടുന്ന വീക്കു ചെണ്ട (“അച്ചൻ ചെണ്ട”). ചെണ്ടയേക്കാൾ ഉയരം കുറവാണ്. കേരളത്തിന്റെ ചില പ്രദേശങ്ങളിൽ വീക്കൻ ചെണ്ട എന്നും പറച്ചെണ്ട എന്നും ഈ വാദ്യം അറിയപ്പെടുന്നു. പേരിലെ വ്യത്യാസം പോലെ, പല ദേശങ്ങളിലും പല വലിപ്പത്തിലാണ് പറ നിർമ്മിക്കുന്നത്. തോൽപ്പാവക്കൂത്തിലും കണ്ണ്യാർകളിയിലും പറ ഉപയോഗിക്കാറുണ്ട്. അടിസ്ഥാന താളം നിലനിർത്താൻ ഉപയോഗിക്കുന്ന ഒരു തരം ചെണ്ട ആണിത്. "വീക്കുചെണ്ട" യുടെ "ചെണ്ട വട്ടം" എല്ലായ്പ്പോഴും 'വലംതല'യാണ്. ഇത് ബാസ് ശബ്ദം പുറപ്പെടുവിക്കാൻ ഒന്നിലധികം പാളികളുള്ള ചർമ്മത്തിൽ നിർമ്മിച്ചതാണ്. മലയാള ഭാഷയിൽ "വീക്ക്" എന്നതിന്റെ അർത്ഥം "കഠിനമായി അടിക്കുക" എന്നതാണ്. കൈത്തണ്ട വളച്ചൊടിക്കുകയോ ചുരുട്ടുകയോ ചെയ്യാതെ അടിച്ചുകൊണ്ട് കലാകാരൻ "വീക്കു ചെണ്ട" യിൽ ശബ്ദം പുറപ്പെടുവിക്കുന്നു. മേളത്തിനും തായമ്പകയിലും പിന്നണിയിൽ നിന്ന് താളം പിടിക്കാനാണ് വീക്കൻ ചെണ്ട ഉപയോഗിക്കുക.
![Thumb image](http://upload.wikimedia.org/wikipedia/commons/thumb/7/78/Chendaa.jpg/320px-Chendaa.jpg)
![Thumb image](http://upload.wikimedia.org/wikipedia/commons/thumb/3/3d/Drum_%26_stick.jpg/640px-Drum_%26_stick.jpg)