ദ സിംസൺസ്
ഒരു അമേരിക്കൻ ആനിമേഷൻ പരമ്പരയാണ് ദ സിംസൺസ് / From Wikipedia, the free encyclopedia
ഒരു അമേരിക്കൻ ആനിമേഷൻ പരമ്പരയാണ് ദ സിംസൺസ്. ഫോക്സ് ബ്രോഡ്കാസ്റ്റിംഗ് കമ്പനിക്ക് വേണ്ടി മാറ്റ് ഗ്രോണിങ്ങാണ് ഈ പരമ്പര സൃഷ്ടിച്ചത്. ഇതിൽ അമേരിക്കയിലെ മധ്യവർഗ കുടുംബങ്ങളുടെ ജീവിതരീതിയെ ഫലിതരൂപത്തിൽ വിമർശിക്കുന്നു. ഹോമർ, മാർജ്, ബാർട്ട്, ലിസ, മാഗി എന്നിവരടങ്ങിയ സിംസൺസ് കുടുംബമാണ് ഇതിലെ കേന്ദ്രബിന്ദു. കഥ നടക്കുന്നത് സ്പ്രിങ്ഫീൽഡ് എന്ന സാങ്കൽപിക പട്ടണത്തിലാണ്.
![Thumb image](http://upload.wikimedia.org/wikipedia/ml/a/a0/C-SimpFamily.png)
1989 ഡിസംബർ 17ന് അരങ്ങേറ്റം കുറിച്ച ഈ പരമ്പരയുടെ 21-ആം സീസണാണ് ഇപ്പോൾ പ്രക്ഷേപണം ചെയ്യുന്നത്. 2007 ഡിസംബർ 26നും 27നുമായി സിംസൺസിന്റെ ചലച്ചിത്ര രൂപം ലോകവ്യാപകമായി പുറത്തിറങ്ങി.