ജട്രോഫ

യൂഫോർബിയേസി എന്ന സ്പർജ് കുടുംബത്തിലെ പൂച്ചെടികളുടെ ഒരു ജനുസ്സാണ് ജട്രോഫ (ശാസ്ത്രീയനാമം: Jatropha). പേര് ഗ്രീക്ക് വാക്കുകൾ ആയ ἰατρός (ഇഅത്രൊസ്), "ഡോക്ടർ" എന്ന അർത്ഥവും τροφή (ത്രൊഫെ), "പോഷകാഹാരം" എന്ന അർത്ഥവുമായതിനാൽ പൊതുവായ പേര് ഫിസിൿ നട്ട് (physic nut) എന്നാണ്. മറ്റൊരു പൊതുവായ പേരാണ് nettlespurge. ഇതിൽ ഏകദേശം 170 സ്പീഷിസ് ചെടികളും കുറ്റിച്ചെടികളും മരങ്ങളും അടങ്ങിയിരിക്കുന്നു (ചിലത് ഇലപൊഴിയും, ജട്രോഫ കുർകാസ് പോലെ). ഇവയിൽ ഭൂരിഭാഗവും അമേരിക്കയിൽ നിന്നുള്ളവയാണ്, പഴയ ലോകത്ത് 66 സ്പീഷീസുകൾ കാണപ്പെടുന്നു.^[2] ഈ ചെടികളിൽ പ്രത്യേകമായി ആൺപൂക്കളും പെൺപൂക്കളും കാണുന്നു. യൂഫോർബിയേസി കുടുംബത്തിലെ പല അംഗങ്ങളെയും പോലെ, ജട്രോഫയിലും വളരെ വിഷാംശം ഉള്ള സംയുക്തങ്ങൾ അടങ്ങിയിരിക്കുന്നു. ജെട്രോഫ സ്പീഷീസ് പരമ്പരാഗതമായി കുട്ടനിർമ്മാണത്തിനും തുകൽവ്യവസായത്തിലും ചായനിർമ്മാണത്തിലും ഉപയോഗിച്ചിരുന്നു. 2000 -കളിൽ, കടലാവണക്ക് ബയോഡീസൽ ഉൽപാദനത്തിനുള്ള ഒരു എണ്ണവിളയായി താൽപര്യം ജനിപ്പിച്ചതുകൂടാതെ വിളക്ക് എണ്ണയായി ഉപയോഗിക്കുമ്പോൾ ഔഷധപ്രാധാന്യവും ഇതിനുണ്ടായിരുന്നു. ഭക്ഷ്യയോഗ്യമായ ഉപോൽപ്പന്നമായതിനാൽ ജൈവ ഡീസലിന് ഉറവിടമായി ഉപയോഗിക്കുമ്പോൾ മികച്ച വരുമാനം നൽകിക്കൊണ്ട്, വിഷ സംയുക്തങ്ങളില്ലാത്ത ജട്രോഫ കുർകാസ് വകഭേദത്തെ തിരഞ്ഞെടുത്ത ബ്രീഡിംഗിലൂടെ വികസിപ്പിച്ചെടുത്തിരുന്നു വെരാക്രൂസ് പ്രദേശത്തെ തദ്ദേശീയരായ മെക്സിക്കക്കാർ. ഭക്ഷ്യയോഗ്യമായ ജട്രോഫയെ വിഷവസ്തുക്കളാൽ പരാഗണം നടത്തിയാൽ വിഷാംശം തിരിച്ചെത്തിയേക്കാം.

ജട്രോഫ
Jatropha gossypiifolia, ബീച്ചനഹള്ളിയിൽ
ശാസ്ത്രീയ വർഗ്ഗീകരണം
കിങ്ഡം:	സസ്യലോകം
ക്ലാഡ്:	ട്രക്കിയോഫൈറ്റ്
ക്ലാഡ്:	സപുഷ്പി
ക്ലാഡ്:	യൂഡികോട്സ്
ക്ലാഡ്:	റോസിഡുകൾ
Order:	മാൽപീഗൈൽസ്
Family:	Euphorbiaceae
Subfamily:	Crotonoideae
Tribe:	Jatropheae
Genus:	Jatropha L.[1]
Species
Approximately 170, see Section Species.

ജട്രോഫ പ്ലാന്റ്

ജട്രോഫ പ്ലാന്റ്

ജട്രോഫ പ്ലാന്റ്

ഉപയോഗങ്ങൾ

ചൈനയിലെ ജട്രോഫ പാണ്ടുരിഫോളിയ

മെക്സിക്കോയിലെ സോനോറയിലെ സെറി ജനങ്ങൾ ജട്രോഫ ക്യൂനാറ്റ ബാസ്കറ്റ് നിർമ്മാണത്തിന് ഉപയോഗിക്കുന്നു. കാണ്ഡം വറുത്ത് പിളർന്ന് നനച്ച് ഒരു വിപുലമായ പ്രക്രിയയിലൂടെയാണ് കുട്ട ഉണ്ടാക്കുന്നത്. പലപ്പോഴും ഉപയോഗിക്കുന്ന ചുവന്ന ചായം മറ്റൊരു സസ്യ ഇനമായ ക്രാമേരിയ ഗ്രേയിയുടെ വേരിൽ നിന്നാണ് നിർമ്മിച്ചിരിക്കുന്നത്. ഉഷ്ണമേഖലാ പ്രദേശങ്ങളിൽ തുടർച്ചയായി വിരിഞ്ഞുനിൽക്കുന്ന കടുംചുവപ്പ് പൂക്കൾക്ക് അലങ്കാരമായി സ്പൈസിജട്രോഫ (ജെ. ഇന്റഗെറിമ) കൃഷി ചെയ്യുന്നു. ബുദ്ധബെല്ലി പ്ലാന്റ് (ജെ പൊദഗ്രിച) ലെതർ ടാൻ ചെയ്യാൻ ഒരു ചുവന്ന ഡൈ ഉത്പാദിപ്പിക്കാൻ മെക്സിക്കോയിലും അമേരിക്കൻ ഐക്യനാടുകളിലും ഉപയോഗിച്ചിരുന്നു. ഇത് ഒരു വീട്ടുചെടിയായും വളർത്തുന്നു.

കടലാവണക്കിൽ നിന്നുള്ള എണ്ണ പ്രധാനമായും ഡീസൽ എഞ്ചിനുകളിൽ ഉപയോഗിക്കുന്നതിന് ബയോഡീസലായി മാറ്റുന്നു. എണ്ണ വേർതിരിച്ചെടുക്കുന്നതിന്റെ ഫലമായുണ്ടാകുന്ന കേക്ക്, പ്രോട്ടീൻ സമ്പുഷ്ടമായ ഉൽപന്നം, മത്സ്യത്തിനോ മൃഗങ്ങളുടെ തീറ്റയ്‌ക്കോ (വിഷവിമുക്തമാക്കിയാൽ) ഉപയോഗിക്കാം. വൈദ്യുത നിലയങ്ങളിൽ ഉപയോഗിക്കുന്നതിനോ ബയോഗ്യാസ് ഉത്പാദിപ്പിക്കുന്നതിനോ ഉള്ള ഒരു ബയോമാസ് ആയും ഉപയോഗിക്കാവുന്ന ഇത് ഉയർന്ന നിലവാരമുള്ള ഒരു ജൈവവളവുമാണ്.^[3]

2007 ൽ, ഗോൾഡ്മാൻ സാക്സ് കടലാവണക്കിനെ ഭാവിയിലെ ബയോഡീസൽ ഉൽപാദനത്തിനുള്ള മികച്ച സ്ഥാനാർത്ഥികളിൽ ഒരാളായി വിശേഷിപ്പിച്ചു.^[4] ഇത് വരൾച്ചയേയും കീടങ്ങളെയും പ്രതിരോധിക്കുന്നതുകൂടാതെ 27-40% എണ്ണ അടങ്ങിയ വിത്തുകൾ ഉത്പാദിപ്പിക്കുന്നു,^[5] ശരാശരി 34.4%.^[6] എണ്ണ വേർതിരിച്ചെടുത്ത ശേഷം ശേഷിക്കുന്ന ജട്രോഫ വിത്തുകളുടെ പ്രസ് കേക്കും ഊർജ്ജ ഉൽപാദനത്തിനായി പരിഗണിക്കാം.^[7] എന്നിരുന്നാലും, അവയുടെ സമൃദ്ധിയും എണ്ണയും വീണ്ടെടുക്കൽ പ്ലാന്റുകളുമൊക്കെയായിട്ടും, ജട്രോഫ ഇനങ്ങൾ ഒന്നും ശരിയായി വളർത്തിയിട്ടില്ല, തൽഫലമായി, അവയുടെ ഉൽപാദനക്ഷമത വ്യത്യാസപ്പെടുന്നു, കൂടാതെ മണ്ണിന്റെ ഗുണനിലവാരത്തിലും അവയുടെ വലിയ തോതിലുള്ള ഉപയോഗത്തിന്റെ ദീർഘകാല പ്രത്യാഘാതത്തെപ്പറ്റിയുള്ള അറിവും അജ്ഞാതമാണ്.^[8] 2009 -ലെ ഗവേഷണത്തിൽ ജട്രോഫ ബയോഡീസൽ ഉൽപാദനത്തിന് മറ്റ് സാധാരണ ജൈവ ഇന്ധന വിളകളേക്കാൾ കൂടുതൽ വെള്ളം ആവശ്യമാണെന്നും പ്രാരംഭ വിളവ് എസ്റ്റിമേറ്റുകൾ ഉയർന്നതാണെന്നും കണ്ടെത്തി. നേരത്തേ, വേൾഡ് വാച്ച് ഇൻസ്റ്റിറ്റ്യൂട്ടിൽ നിന്നുള്ള ഉയർന്ന കണക്കുകൾ 1 ഏക്കർ കൃഷിക്ക് 202 ഗാലൻ (4.8 ബാരൽ) ബയോഡീസൽ ലഭിക്കുമെന്ന് അഭിപ്രായപ്പെട്ടിരുന്നു.

വരണ്ട പ്രദേശങ്ങളിൽ കാർബൺ സീക്വസ്ട്രേഷൻ പ്ലാന്റായി ഉപയോഗിക്കാമോ എന്നും ജട്രോഫ കുർകാസ് പഠനവിഷയമാണ്. ^[9]

വിഷാംശം

യൂഫോർബിയേസി കുടുംബത്തിലെ മറ്റ് അംഗങ്ങളെപ്പോലെ, ജട്രോഫ ജനുസ്സിലെ അംഗങ്ങളിൽ നിരവധി വിഷ സംയുക്തങ്ങൾ അടങ്ങിയിരിക്കുന്നു. ജട്രോഫ കുർകാസിന്റെ വിത്തുകളിൽ വളരെ വിഷമുള്ള ടോക്സൽബുമിൻ കുർസിൻ എന്ന ലെക്റ്റിൻ ഡൈമർ അടങ്ങിയിരിക്കുന്നു. അവയിൽ കാർസിനോജെനിക് ഫോർബോളും അടങ്ങിയിട്ടുണ്ട്.^[10] ഇതൊക്കെയാണെങ്കിലും, വിത്തുകൾ വറുത്ത് കഴിക്കാറുണ്ട്, ഇത് ചില വിഷാംശങ്ങൾ കുറയ്ക്കുന്നു. ഇതിന്റെ സ്രവം ചർമ്മത്തെ പ്രകോപിപ്പിക്കുന്നു, കൂടാതെ സംസ്കരിക്കാത്ത മൂന്ന് വിത്തുകൾ കഴിക്കുന്നത് പോലും മനുഷ്യർക്ക് മാരകമായേക്കാം. 2005 -ൽ പടിഞ്ഞാറൻ ഓസ്‌ട്രേലിയ ജട്രോഫ ഗോസിപിഫോളിയയെ ആളുകൾക്കും മൃഗങ്ങൾക്കും വളരെ വിഷമുള്ളതുമായതിനാൽ നിരോധിക്കുകയുണ്ടായി. ചില ഭൂമിശാസ്ത്രപരമായ പ്രദേശങ്ങളിൽ ഇത് മരുന്നായി ഉപയോഗിച്ചിരുന്നെങ്കിലും, ഇതിന് ആന്റിമൈക്രോബയൽ പ്രവർത്തനം ഇല്ലെന്ന് കണ്ടെത്തി.^[11]

തിരഞ്ഞെടുത്ത സ്പീഷീസുകൾ

ഇന്ത്യയിലെ ഹൈദരാബാദിലെ ജട്രോഫ ഗോസിപിഫോളിയ .

ജട്രോഫ മൾട്ടിഫിഡ

ഇന്ത്യയിലെ ഹൈദരാബാദിലെ ജട്രോഫ പോഡഗ്രിക്ക .

• ജട്രോഫ അകാന്തോഫില്ല
• ജട്രോഫ ബുള്ളോക്കി
• ജട്രോഫ കാർഡിയോഫില്ല
• ജട്രോഫ കത്താർട്ടിക്ക
• ജട്രോഫ ചമെലെൻസിസ്
• ജട്രോഫ കോസ്റ്റാരിസെൻസിസ്
• ജട്രോഫ സിനിറിയ
• ജട്രോഫ ക്യൂനാറ്റ
• ജെത്രോഫ കുർക്കാസ്
• ജട്രോഫാ ദോഫാരിക്ക
• ജട്രോഫ ഡയോയിക്ക
• ജട്രോഫ എലിപ്റ്റിക്ക
• ജട്രോഫ എക്സിസ
• ജട്രോഫ ഗോസിപിഫോളിയ
• ജട്രോഫ ഹെർനാൻഡിഫോളിയ
• ജട്രോഫ ഇന്റഗെറിമാ ^[12]
• ജട്രോഫ മക്രാന്ത
• ജട്രോഫ മാക്രോറിസ
• ജട്രോഫ മൾട്ടിഫിഡ
• ജട്രോഫ ന്യൂഡിക്കലിസ്
• ജട്രോഫ പോഡഗ്രിക്ക
• ജട്രോഫ യൂണിക്കോസ്റ്റാറ്റാ ^[13]

ചിത്രശാല

• 
  നിക്കരാഗ്വയിലെ മനാഗുവയിലെ എൽ ക്രൂസറോയിലെ ജട്രോഫ മൾട്ടിഫിഡയുടെ പൂക്കൾ.
• 
  നിക്കരാഗ്വയിലെ മനാഗുവയിലെ എൽ ക്രൂസറോയിലെ ജട്രോഫ മൾട്ടിഫിഡ പ്ലാന്റ്.
• 
  നിക്കരാഗ്വയിലെ മനാഗുവയിലെ എൽ ക്രൂസറോയിൽ നീല ചിത്രശലഭത്തോടുകൂടിയ ജട്രോഫ മൾട്ടിഫിഡയുടെ പൂക്കൾ.
• 
  നിക്കരാഗ്വയിലെ മനാഗുവയിലെ എൽ ക്രൂസറോയിലെ ജട്രോഫ മൾട്ടിഫിഡയുടെ പൂക്കളും ഇലകളും.
• 
  ജട്രോഫ ഇന്റഗെറിമ
• 
  ജട്രോഫ പോഡഗ്രിക്ക
• 
  ജട്രോഫ പാണ്ഡുരിഫോളിയ
• 
  ജട്രോഫ പോഡഗ്രിക്കയുടെ ക്ലോസപ്പ്
• 
  ജട്രോഫ ഇന്റഗെറിമാ ജാക്ക്. തായ്ലൻഡിൽ

മുമ്പ് ഇവിടെ സ്ഥാപിച്ചിരുന്നവ

• അലൂറൈറ്റ്സ് മോളുക്കാനസ്
• ബാലിയോസ്പെർമം മൊണ്ടനും
• Cnidoscolus aconitifolius
• Cnidoscolus angustidens
• Cnidoscolus quercifolius
• Cnidoscolus stimulosus
• സിനിഡോസ്കോളസ് ടെക്സാനസ്
• Cnidoscolus tubulosus
• Cnidoscolus urens
• ഹയാനഞ്ചെ ഗ്ലോബോസ
• മണിഹോട്ട് എസ്കുലെന്റ ഉപവിഭാഗം. എസ്ചുലെംത
• മണിഹോട്ട് കാർത്തജെനിസിസ് ഉപവിഭാഗം. കാർത്തജെനിസിസ്
• മണിഹോട്ട് ത്രിപാർട്ടിത ഉപവിഭാഗം. ത്രിപാർട്ടിത

പര്യായങ്ങൾ

• Adenorhopium Rchb.
• അഡെനോറോപിയം പോൾ
• കാസ്റ്റിഗ്ലിയോണിയ റൂയിസ് & പാവ്.
• കൊലെനുഷ്യ ചിയോവ്.
• കുർകാസ് അഡാൻസ് .
• ജട്രോപ സ്കോപ്പ്., ഓർത്ത്. var
• ലൂറൈറ കാവ്.
• മെസാൻഡ്രിനിയ റാഫ്.
• മോസിന്ന ഒർട്ടെഗ
• സിമാപാനിയ എൻ‌ജി‌എൽ . & പാക്സ് ^[1]

അവലംബം

1. "Genus: Jatropha L". Germplasm Resources Information Network. United States Department of Agriculture. 2007-10-05. Archived from the original on 2010-05-28. Retrieved 2010-08-13.
2. Heller, Joachim (1996). Promoting the Conservation and Use of Underutilized and Neglected Crops Volume 1: Physic Nut, Jatropha Curcas L. Bioversity International. p. 7. ISBN 9789290432784.
3. Heuzé V., Tran G., Edouard N., Renaudeau D., Bastianelli D., Lebas F., 2016.
4. Jatropha Plant Gains Steam In Global Race for Biofuels
5. Achten WMJ, Mathijs E, Verchot L, Singh VP, Aerts R, Muys B 2007.
6. Achten WMJ, Verchot L, Franken YJ, Mathijs E, Singh VP, Aerts R, Muys B 2008.
7. Jongschaap REE, Blesgraaf RAR, Boogaard TA, Van Loo EN, Savenije HHG.
8. World Agroforestry Centre (2007) When oil grows on trees^{[പ്രവർത്തിക്കാത്ത കണ്ണി]} World Agroforestry Centre press release. 26 April 2009.
9. K. Becker, V. Wulfmeyer, T. Berger, J. Gebel, and W. Münch: "K. Becker1, V. Wulfmeyer2, T. Berger3, J. Gebel4, and W. Münch", Earth system dynamics, 4, 237-251, 2013.
10. http://www.drugsandpoisons.com/2008/01/lectins-peas-and-beans-gone-bad.html
11. Ilango, S. and David Paul Raj RS. 2015.
12. Staff, South China Botanical Garden, Chinese Academy of Sciences.
13. "Species Records of Jatropha". Germplasm Resources Information Network. United States Department of Agriculture. Archived from the original on 2012-12-11. Retrieved 2011-03-19.

പുറത്തേക്കുള്ള കണ്ണികൾ

• Media related to Jatropha at Wikimedia Commons
• Jatropha എന്ന ജീവവർഗ്ഗവുമായി ബന്ധപ്പെട്ട വിവരങ്ങൾ വിക്കിസ്പീഷിസിൽ കാണുക.
• BBC News report of Jatropa Biofuel
• "Size does matter - The possibilities of cultivating Jatropha curcas for biofuel production in developing countries". Archived from the original on 2021-06-22. Retrieved 2021-08-18. Case study report on the relationship with food security, provides references and background information.
• Polgreen, Lydia (September 9, 2007). "Mali's Farmers Discover a Weed's Potential Power". The New York Times. Retrieved 2007-09-09.
• Any lessons for Ghana? India jatropha failure
• Jatropha not a miracle biofuel crop after all Archived 2011-06-10 at the Wayback Machine.
• Jon R. Luoma (May 4, 2009). "Hailed as a Miracle Biofuel, Jatropha Falls Short of Hype". environment360. Yale School of Forestry & Environmental Studies. Archived from the original on October 4, 2011. Retrieved 2011-10-11.

• Jatropha in West African plants – A Photo Guide.