1997-ൽ പുറത്തിറങ്ങിയ ഒരു മലയാളചലച്ചിത്രമാണ്‌ ചുരം[1]. ഭരതനാണ്‌ ഈ ചലച്ചിത്രം സംവിധാനം ചെയ്തത്[2] .ഭരതന്റെ മരണത്തിനു മുമ്പ് ചെയ്തുതീർത്ത അവസാനത്തെ പടം എന്ന വിശേഷണവും ഈ ചിത്രത്തിനുണ്ട്. മനോജ്.കെ.ജയൻ, ദിവ്യാ ഉണ്ണി, നെടുമുടി വേണു, കെ.പി.എ.സി. ലളിത എന്നിവരാണ്‌ ഈ ചിത്രത്തിൽ പ്രധാന വേഷങ്ങൾ ചെയ്തത്. ജോൺസൺ സംഗീതസം‌വിധാനം നിർവഹിച്ചു. [3]
| ചുരം | |
|---|---|
 | |
| സംവിധാനം | ഭരതൻ |
| നിർമ്മാണം | എസ്. സതീഷ് |
| രചന | ഭരതൻ, ഷിബു ചക്രവർത്തി |
| അഭിനേതാക്കൾ | മനോജ് കെ ജയൻ നെടുമുടി വേണു ദിവ്യ ഉണ്ണി br />കെ.പി.എ.സി. ലളിത ഫിലോമിന |
| സംഗീതം | ജോൺസൺ |
| ഗാനരചന | ഡോ.രാജീവ് |
| ചിത്രസംയോജനം | ശ്രീകർ പ്രസാദ് |
| റിലീസിങ് തീയതി | 1997 |
| രാജ്യം |  ഇന്ത്യ |
| ഭാഷ | മലയാളം |
കഥാഗതി
ഒരു മലയോരഗ്രാമത്തിലെ ചായക്കടക്കാരനായ ബാലഗോപാലന്റെ അടുത്ത് നാടോടിയായ തള്ളവഴി മായ എന്ന അനാഥ ബാലിക എത്തിപ്പെടുന്നു. വന്ന് വളരെ പെട്ടെന്നുതന്നെ തന്റെ വൃത്തി, ചിട്ട, ആർജ്ജവം എന്നീഗുണങ്ങളാൽ അവിടുത്തെ എല്ലാവരുടെയും പ്രീതിക്ക് പാത്രമാകുന്നു. പരുക്കനും പ്രാകൃതനുമായ കുഞ്ഞുണ്ണി വനത്തിൽ താമസിച്ച് വനജീവികളോട് സല്ലപിക്കുകയും കാട്ടിൽ പച്ചക്കറി ഉണ്ടാക്കി ബാലഗോപാലന്റെ കടയിൽ എത്തിക്കുകയും ചെയ്യുന്നവൻ ആണ്. അവർ ഇരുവരും സ്വാഭാവികമായും സ്നേഹത്തിലാകുന്നു. അകൃത്രിമമായ അവതരണം കൊണ്ടും ഗ്രാമീണമായ നിഷ്കളങ്കതയുടെ അവതരണത്താലും മനോഹരമാണ് ഈ ചിത്രം.
അഭിനേതാക്കൾ[4]
- മനോജ് കെ ജയൻ-കുഞ്ഞുണ്ണി
- നെടുമുടി വേണു-ബാലഗോപാലൻ
- ദിവ്യ ഉണ്ണി-മായ
- കെ.പി.എ.സി. ലളിത-സാവിത്രി
- ഫിലോമിന-തള്ള
ഗാനങ്ങൾ
ഡോ. രാജീവിന്റെവരികൾക്ക് ജോൺസൺ സംഗീതം പകർന്ന ഗാനങ്ങൾ.
| നമ്പർ. | പാട്ട് | പാട്ടുകാർ | വരികൾ | ഈണം |
| 1 | ചില്ലു വിളക്കുമായ്‌ | കെ.ജെ. യേശുദാസ് | ഡോ. രാജീവ് | ജോൺസൺ |
| 2 | പൂങ്കനവിൽ | കെ.എസ്. ചിത്ര | ഡോ. രാജീവ് | ജോൺസൺ |
| 3 | ചില്ലു വിളക്കുമായ്‌ (സ്ത്രീ ശബ്ദം) | കെ.എസ്. ചിത്ര | ഡോ. രാജീവ് | ജോൺസൺ |
| 4 | താരാട്ടിൻ ചെറു | കെ.ജെ. യേശുദാസ്, കെ.എസ്. ചിത്ര | ഡോ. രാജീവ് | ജോൺസൺ |
പരാമർശങ്ങൾ
പുറത്തേയ്ക്കുള്ള കണ്ണികൾ
ചിത്രം കാണുക
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
