ഗുരുവായൂർ നഗരസഭ
തൃശ്ശൂർ ജില്ലയിലെ നഗരസഭ / From Wikipedia, the free encyclopedia
പൊതുവിവരങ്ങൾ കേരളത്തിൽ തൃശ്ശൂർ ജില്ലയിൽ ചാവക്കാട് താലൂക്കിൽ സ്ഥിതിചെയ്യുന്ന ഒരു തദ്ദേശസ്വയംഭരണസ്ഥാപനമാണ് ഗുരുവായൂർ നഗരസഭ. പ്രസിദ്ധമായ ശ്രീകൃഷ്ണക്ഷേത്രം സ്ഥിതിചെയ്യുന്ന ഇവിടം അറിയപ്പെടുന്ന ഒരു തീർത്ഥാടനകേന്ദ്രമാണ്. അതിർത്തികൾ കിഴക്ക് കണ്ടാണശ്ശേരി, പാവറട്ടി പഞ്ചായത്തുകളും, വടക്ക് പുന്നയൂർ, പുന്നയൂർക്കുളം പഞ്ചായത്തുകളും കുന്നംകുളം നഗരസഭയും, പടിഞ്ഞാറ് ചാവക്കാട് നഗരസഭയും, തെക്ക് കടപ്പുറം പഞ്ചായത്തുമാണ്. കേരളത്തിലെ ഏറ്റവും വിസ്തീർണം കുറഞ്ഞ നഗരസഭകളിലൊന്നാണ് ഗുരുവായൂർ.
ഗുരുവായൂർ നഗരസഭ | |
Coordinates: Missing latitude {{#coordinates:}}: അസാധുവായ അക്ഷാംശം | |
![]() | |
ഭൂമിശാസ്ത്ര പ്രാധാന്യം | നഗരസഭ |
രാജ്യം | ഇന്ത്യ |
സംസ്ഥാനം | കേരളം |
ജില്ല | തൃശ്ശൂർ |
താലൂക്ക് | |
റവന്യൂ വില്ലേജുകൾ | |
നിയമസഭാ മണ്ഡലം | |
ലോകസഭാ മണ്ഡലം | |
ഭരണസ്ഥാപനങ്ങൾ | |
ചെയർപേഴ്സൺ | |
വൈസ് ചെയർപേഴ്സൺ | |
മുനിസിപ്പൽ സെക്രട്ടറി | |
വിസ്തീർണ്ണം | ചതുരശ്ര കിലോമീറ്റർ |
വാർഡുകൾ | എണ്ണം |
ജനസംഖ്യ | |
ജനസാന്ദ്രത | /ച.കി.മീ |
കോഡുകൾ • തപാൽ • ടെലിഫോൺ |
+ |
സമയമേഖല | UTC +5:30 |
പ്രധാന ആകർഷണങ്ങൾ |
ദേവഗുരുവായ ബൃഹസ്പതിയും വായുദേവനും ചേർന്ന് മഹാവിഷ്ണുപ്രതിഷ്ഠ നടത്തിയ സ്ഥലം എന്ന അർത്ഥത്തിലാണ് ഈ പ്രദേശത്തിന് 'ഗുരുവായൂർ' എന്ന് പേരുണ്ടായതെന്ന് ഭക്തജനങ്ങൾ വിശ്വസിച്ചുവരുന്നു. എന്നാൽ കുരവക്കൂത്ത് എന്ന കലാരൂപം നടന്ന സ്ഥലം എന്ന അർത്ഥത്തിൽ വന്ന 'കുരുവയ്യൂർ' ആണ് ഗുരുവായൂരായതെന്ന് ചരിത്രരേഖകൾ പറയുന്നു. സ്വാതന്ത്ര്യത്തിനുമുമ്പ് സാമൂതിരിയുടെ തെക്കൻ അധികാരപരിധിയായിരുന്നു ഗുരുവായൂർ. സാമൂതിരിയുടെ സാമന്തനായിരുന്ന പുന്നത്തൂർ രാജാവാണ് സ്ഥലകാര്യങ്ങൾ നോക്കിയിരുന്നത്. തന്റെ മലബാർ ആക്രമണകാലത്ത് ടിപ്പു സുൽത്താൻ ഗുരുവായൂരും ആക്രമിച്ചിരുന്നു. പ്രധാന ദേവാലയമായ ശ്രീകൃഷ്ണക്ഷേത്രമൊഴിച്ചുള്ള ക്ഷേത്രങ്ങൾ മിക്കതും ഈ ആക്രമണത്തിൽ തകർക്കപ്പെട്ടു.
1962 ജനുവരി 26-നാണ് ഗുരുവായൂരിനെയും സമീപസ്ഥലങ്ങളായ ഇരിങ്ങപ്രം, ചാവക്കാട്, തൈക്കാട് എന്നിവയെയും കൂട്ടിച്ചേർത്ത് ഗുരുവായൂർ ടൗൺഷിപ്പ് രൂപവത്കരിച്ചത്. 1995-ൽ ഇതിനെ നഗരസഭയാക്കി ഉയർത്തി. കോൺഗ്രസിലെ പി.കെ. ശാന്തകുമാരിയായിരുന്നു ആദ്യ അദ്ധ്യക്ഷ. 2010-ൽ സമീപത്തുണ്ടായിരുന്ന തൈക്കാട്, പൂക്കോട് ഗ്രാമപഞ്ചായത്തുകൾ നഗരസഭയിൽ ലയിച്ചു. 2015-ൽ നടന്ന തിരഞ്ഞെടുപ്പിൽ എൽ.ഡി.എഫ്. അധികാരത്തിലേറുകയും കോൺഗ്രസിൽ നിന്ന് പുറത്താക്കപ്പെട്ട ശാന്തകുമാരി ഇടതുപക്ഷപിന്തുണയോടെ മത്സരിച്ച് വീണ്ടും നഗരസഭാദ്ധ്യക്ഷയായി സ്ഥാനമേൽക്കുകയും ചെയ്തു.
പ്രശസ്ത ചലച്ചിത്രപിന്നണിഗായകൻ ഉണ്ണി മേനോൻ, സംവിധായകൻ പി.ടി. കുഞ്ഞുമുഹമ്മദ്, പ്രമുഖ സാഹിത്യകാരൻ ഉണ്ണികൃഷ്ണൻ പുതൂർ തുടങ്ങിയവർ ഗുരുവായൂർ നഗരസഭയിൽ നിന്നുള്ളവരാണ്.