ഒൻപതാം പീയൂസ് മാർപ്പാപ്പ
From Wikipedia, the free encyclopedia
കത്തോലിക്കാസഭയുടെ ചരിത്രത്തിൽ ഏറ്റവുമധികം കാലം അധികാരത്തിലിരുന്ന മാർപ്പാപ്പയായിരുന്നു ജിയോവാന്നി മരിയ മസ്തായ്-ഫെറേത്തി എന്ന ഒൻപതാം പീയൂസ് മാർപ്പാപ്പ (13 മേയ് 1792, സെനിഗാളിയ – 7 ഫെബ്രുവരി 1878). 1846 ജൂൺ 16 മുതൽ മരണം വരെ 32 വർഷക്കാലം ഭരിച്ച അദ്ദേഹത്തെ പിന്നീട് 2000 -ാമാണ്ടിൽ കത്തോലിക്കാസഭ വാഴ്ത്തപ്പെട്ടവൻ എന്നു നാമകരണം ചെയ്തു. മാർപ്പാപ്പയുടെ അപ്രമാദിത്വം വിശ്വാസസത്യമായി പ്രഖ്യാപിച്ച ഒന്നാം വത്തിക്കാൻ സൂനഹദോസ് വിളിച്ചുകൂട്ടിയത് അദ്ദേഹമാണ്. കന്യകാമറിയത്തിന്റെ അമലോത്ഭവം വിശ്വാസസത്യമായി പ്രഖ്യാപിച്ചതും അദ്ദേഹത്തിന്റെ കാലത്താണ്. പേപ്പൽ പ്രദേശങ്ങളുടെ അവസാന ഭരണാധികാരിയായിരുന്നു ഒൻപതാം പീയൂസ്. 1870ൽ ആ പ്രദേശങ്ങൾ ഇറ്റാലിയൻ ദേശീയ സൈന്യം കീഴടക്കി ഇറ്റലിയോട് ചേർത്തിരുന്നു.
വസ്തുതകൾ പീയൂസ് ഒൻപതാമൻ, സ്ഥാനാരോഹണം ...
അടയ്ക്കുക