ആറ്റോമിക ആരം
From Wikipedia, the free encyclopedia
ഒരു രാസമൂലകത്തിന്റെ ആറ്റോമിക ആരം എന്നത് അതിന്റെ ആറ്റങ്ങളുടെ വലിപ്പത്തിന്റെ ഒരു അളവാണ്. ഒരു ആറ്റത്തിന്റെ ന്യൂക്ലിയസ്സിന്റെ കേന്ദ്രത്തിൽ നിന്ന് അതിന്റെ ഇലക്ട്രോൺ ക്ലൗഡിന്റെ അതിർത്തിയിലേക്കുള്ള ശരാശരി ദൂരം. ഈ അതിർത്തിയുടെ ഭൗതികമായ അസ്തിത്വം ശരിയായി നിർവചിക്കപ്പെട്ടിട്ടില്ലെങ്കിൽ ആറ്റോമിക ആരത്തിന്, മറ്റ് വിവിധ രീതികളിൽ നിർവചിക്കാം. വ്യാപകമായി ഉപയോഗിക്കുന്ന മൂന്നു തരം നിർവചനങ്ങൾ ആറ്റോമിക ആരത്തിനുണ്ട്. വാൻ ഡെർ വാൾസ് ആരം, അയോണിക ആരം, സഹസംയോജക ആരം എന്നിവയാണവ.
നിർവചനത്തിന്റെ അടിസ്ഥാനത്തിൽ പറഞ്ഞാൽ ഒറ്റപ്പെട്ട അണുക്കൾ, കണ്ടെൻസ്ഡ് ദ്രവ്യം, തന്മാത്രകളിലെ സഹസംയോജനബന്ധനത്തിലുൾപ്പെട്ട അണുക്കൾ, അയോണീകരിച്ചതും excited states ഇവയിൽ മാത്രമേ ഈ പദം ഉപയോഗിക്കാൻ കഴിയൂ.