ആചാര്യ ജഗദീശ് ചന്ദ്രബോസ് ബൊട്ടാണിക്കൽ ഗാർഡൻ
From Wikipedia, the free encyclopedia
കൽക്കത്തയിലെ ഇന്ത്യൻ ബൊട്ടാണിക്കൽ ഗാർഡന്റെ പുതുക്കിയ പേരാണ് ആചാര്യ ജഗദീശ് ചന്ദ്രബോസ് ബൊട്ടാണിക്കൽ ഗാർഡൻ. 222 വർഷം പഴക്കമുള്ള ഈ ഗാർഡന്റെ പേര് പ്രശസ്ത ഇന്ത്യൻ ശാസ്ത്രജ്ഞനായ ജഗദീശ് ചന്ദ്രബോസിന്റെ സ്മരണാർത്ഥം നൽകിയിട്ടുള്ളതാണ്. സസ്യങ്ങളിലെ പ്രതികരണങ്ങളെക്കുറിച്ചും സസ്യ-ജന്തു കലകളുടെ പാരസ്പര്യത്തെക്കുറിച്ചും ആദ്യമായി വ്യക്തത നൽകിയത് ജെ.സി.ബോസാണ്. തെക്കുകിഴക്കേഷ്യയിലെ ഏറ്റവും വലുതും ഏറ്റവും പഴക്കമേറിയതുമായ ബൊട്ടാണിക്കൽ ഗാർഡനാണിത്. 330 മീറ്ററോളം പരിധിയുള്ള ദ ഗ്രേറ്റ് ബാന്യാൻ മരം ആണ് ഇവിടുത്തെ ഏറ്റവും പ്രശസ്തമായ ആകർഷണം.