ഓസ്ട്രേലിയയിലെ മെൽബണിൽ സ്ഥിതി ചെയ്യുന്ന ഒരു പ്രധാനപ്പെട്ട ക്രിക്കറ്റ് സ്റ്റേഡിയമാണ് മെൽബൺ ക്രിക്കറ്റ് ഗ്രൗണ്ട് (എം.സി.ജി). ലോകത്തിലെ ഏറ്റവും വലിയ ക്രിക്കറ്റ് സ്റ്റേഡിയമാണിത്. ഒരു ലക്ഷത്തിലേറെ ആളുകളെ ഒരേ സമയം ഉൾക്കൊള്ളാവുന്ന എം.സി.ജി മെൽബൺ ക്രിക്കറ്റ് ക്ലബന്റെ ഹോം ഗ്രൗണ്ടാണ്. ഓസ്ട്രേലിയയും ന്യൂസിലന്റും സംയുക്തമായി ആതിഥേയത്വം വഹിക്കുന്ന 2015-ലെ ക്രിക്കറ്റ് ലോകകപ്പിന്റെ ഫൈനൽ ഉൾപ്പെടെ അഞ്ച് മത്സരങ്ങൾക്ക് മെൽബൺ ക്രിക്കറ്റ് ഗ്രൗണ്ട് വേദിയായിരുന്നു.