കേരളത്തിലെ കാസർഗോഡ് ജില്ലയിൽ സ്ഥിതി ചെയ്യുന്ന ഒരു ചെറുപട്ടണവും നഗരസഭയുമാണ് നീലേശ്വരം. കാസർഗോഡ്, കാഞ്ഞങ്ങാട് നഗരങ്ങളിൽ നിന്ന് യഥാക്രമം 36, 11 കിലോമീറ്റർ തെക്ക് മാറിയാണ് നീലേശ്വരം സ്ഥിതി ചെയ്യുന്നത്. ചെറുവത്തൂർ, പിലിക്കോട്, മടിക്കൈ, കിനാനൂർ-കരിന്തളം, കയ്യൂർ-ചീമേനി, വെസ്റ്റ് എളേരി, ഈസ്റ്റ് എളേരി, ബളാൽ തുടങ്ങിയ ഗ്രാമങ്ങൾ നീലേശ്വരത്തിന് സമീപത്താണ് സ്ഥിതിചെയ്യുന്നത്.