സ്പെയിനിലെ കാനറി ദ്വീപുകളിൽ ഒന്നായ ലാ ഗോമേറാ ദ്വീപിന്റെ മദ്ധ്യത്തിലും വടക്കുമായാണ് ഗാരജോണറി ദേശീയോദ്യാനം സ്ഥിതിചെയ്യുന്നത്. 1981ൽ ഇതൊരു ദേശീയോദ്യാനമായി പ്രഖ്യാപിക്കപ്പെട്ടു. 1986ൽ യുനെസ്കോ ഇതിനെ ഒരു ലോക പൈതൃകസ്ഥാനമായി പ്രഖ്യാപിച്ചു. 40 ചതുരശ്ര കിലോമീറ്റർ(15 ചതുരശ്ര മൈൽ) പ്രദേശത്ത് സ്ഥിതി ചെയ്യുന്ന ഈ ദേശീയോദ്യാനം ലാ ഗോമേറാ ദ്വീപിലെ ആറ് നഗരസഭകളിലായി വ്യാപിച്ച് കിടക്കുന്നു.