അമേരിക്കയിലെ വടക്കേ അരിസോണയിലെ മരുഭൂമിയിൽ സ്ഥിതി ചെയ്യുന്ന ഉൽക്കാപതനം മൂലം ഉണ്ടായ വലിയ ഗർത്തമാണ് അരിസോണ ഗർത്തം. മീറ്റിയോർ ക്രാറ്റർ, ക്യാനയോൺ ഡയബ്ലോ എന്നും ഇതറിയപ്പെടുന്നു. ഡാനിയൽ ബാരിംഗർ എന്ന ഭൌമശാസ്ത്രജ്ഞനാണ് ഈ ഗർത്തം ഉൽക്കാ പതനം മൂലമുണ്ടായതാണ് എന്ന ആശയം മുന്നോട്ടു വച്ചത്. അദ്ദേഹത്തോടുള്ള ബഹുമാനാർത്ഥം ബാഗിംഗർ ഗർത്തം എന്നും ഇത് അറിയപ്പെടുന്നു.