From Wikipedia, the free encyclopedia
ഇന്റൽ എക്സ്86 മൈക്രോപ്രോസസ്സറുകൾ, ഐബിഎം പവർ പ്രോസസ്സറുകൾ, ആം അടിസ്ഥാനമായ മൈക്രോപ്രോസസ്സറുകൾ എന്നിവയെ ബാധിക്കുന്ന ഒരു ഹാർഡ്വെയർ പാളിച്ചയാണ് മെൽറ്റ്ഡൌൺ[1][2][3]. ഒരു തെമ്മാടി പ്രോസസ്സിന് അതിന് അധികാരമില്ലെങ്കിൽ പോലും എല്ലാ മെമ്മറിയും വായിക്കാൻ അവസരമൊരുക്കുന്ന പാളിച്ചയാണിത്.
മെൽറ്റ്ഡൌൺ വളരെ വലിയ വിഭാഗം സിസ്റ്റങ്ങളെ ബാധിക്കും. ഇത് കണ്ടെത്തിയസമയത്ത് ഐഒഎസ്[4], ലിനക്സ്[5][6], മാക് ഒഎസ്[4], വിന്റോസ് എന്നീ ഓപ്പറേറ്റിംഗ് സിസ്റ്റങ്ങൾ ഉപയോഗിക്കുന്ന എല്ലാ ഡിവൈസുകളെയും ബാധിക്കും എന്നു റിപ്പോർട്ട് ചെയ്തു. ഭൂരിഭാഗം സെർവ്വറുകളെയും ക്ലൌഡ് സർവ്വീസുകളെയും ഇത് ബാധിക്കും[7]. ഭൂരിഭാഗം സ്മാർട്ട് ഡിവൈസുകളെയും എംബഡഡ് ഡിവൈസുകളെയും (നെറ്റ്വർക്കിംഗ് ഉപകരണങ്ങൾ) ആം അടിസ്ഥാനമായി പ്രവർത്തിക്കുന്ന എല്ലാ ഉപകരണങ്ങളെയും (മൊബൈലുകൾ, സ്മാർട്ട് ടിവികൾ തുടങ്ങിയവ) ഇത് ബാധിക്കും. സോഫ്റ്റ്വെയർ മാത്രം അടിസ്ഥാനമാക്കി പ്രവർത്തിക്കുന്ന മെൽറ്റ്ഡൌൺ പാച്ച് കമ്പ്യൂട്ടറുകളുടെ പ്രവർത്തനം ചില പ്രത്യേക സാഹചര്യങ്ങളിൽ 5 മുതൽ 30 ശതമാനം വരെ കുറയ്ക്കം[8]. എന്നാൽ പാച്ചുകൾ ഇറക്കിയ കമ്പനികൾ പറയുന്നത് ഇവക്ക് വളരെ മിനിമം പ്രവർത്തന വ്യതിയാനത്തിനേ സാദ്ധ്യതയുള്ളൂ എന്നാണ്. [9]
മെൽറ്റ്ഡൌണിന്റെ കോമൺ വൾണറബിലിറ്റീസ് ആന്റ് എക്സ്പോഷേർസ് ഐഡി സിവിഇ-2017-5754ആണ്. ഇത് റോഗ് ഡാറ്റ കാഷേ ലോഡ് എന്നറിയപ്പെടുന്നു. 2018 ജനുവരിയിൽ ഇത് മറ്റൊരു സുരക്ഷാപിഴവായ സ്പെക്ട്രെയോടൊപ്പം അവതരിപ്പിക്കപ്പെട്ടു. സ്പെക്ട്രെ മെൽറ്റ്ഡൌണിന്റെ പോലെതന്നെ സ്വഭാവസവിശേഷതകളുള്ള മറ്റൊരു സുരക്ഷാപിഴവാണ്. മെൽറ്റ്ഡൌണും സ്പെക്ട്രെയും "മഹാദുരന്തം" എന്നാണ് സുരക്ഷാസാങ്കേതിക വിദഗ്ദ്ധർ വിശേഷിപ്പിച്ചത്[10][11][12]. ഇവരണ്ടും വളരെ ഗുരുതരമായിരുന്നു അതുകൊണ്ട് ആദ്യം ഗവേഷകർ ഇവ ഇല്ലായിരിക്കുമെന്നാണ് വിചാരിച്ചത്.[13]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.