കേസാല്പിനേഷ്യേ കുടുംബത്തിലെ[1] കാസ്സ്യ ഓറിക്കുലേറ്റ (Cassia ariculata) എന്ന ശാസ്ത്രനാമവും, ടാന്നേർസ് കാസ്സ്യ എന്ന ആംഗലേയ നാമവുമുള്ള ആവര ഇൻഡ്യയിലെയും ശ്രീലങ്കയിലെയും വരണ്ട പ്രദേശങ്ങളിൽ നാലടിയോളം ഉയരത്തിൽ വളരുന്ന ഔഷധസസ്യമാണ്. ഇൻഡ്യയിൽ അധികമായും കർണ്ണാടകം,തമിഴ്നാട്, ആന്ധ്രാപ്രദേശ്, തെലംഗാണ സംസ്ഥാനങ്ങളിൽ വളരുന്നു[2]. ആവരയുടെ പൂവ് തെലംഗാണയുടെ ഔദ്യോഗിക പുഷ്പമാണ്.[3] ഇടതൂർന്ന ശിഖരങ്ങളും. ദീർഘവൃത്താകൃതിയിലുള്ള ഇലകൾക്ക് ഒരേ വർഗ്ഗത്തിൽ പെടുന്ന കൊന്നയിലയുമായി രൂപ സാദൃശ്യമുണ്ട്. തോലിന് തവിട്ടു നിറം, കടും മഞ്ഞ നിറത്തിലുള്ള പൂക്കൾ. ഫലം 11 സെ മി വര നീളമുള്ള ഒരു പയറാണ്. അതിനുള്ളിൽ 12 - 20 വരെ കായ്കൾ.
സെന്ന ഓറിക്കുലേറ്റ | |
---|---|
![]() | |
ആവര | |
Not evaluated (IUCN 3.1) | |
ശാസ്ത്രീയ വർഗ്ഗീകരണം | |
കിങ്ഡം: | |
Division: | |
Class: | |
Subclass: | Rosidae |
(unranked): | Eurosids I |
Order: | |
Family: | |
Subfamily: | Caesalpinioideae |
Tribe: | Cassieae |
Subtribe: | Cassiinae |
Genus: | Senna |
Species: | Senna auriculata |
Binomial name | |
Senna auriculata (L.) Roxb. | |
Synonyms | |
Cassia auriculata L. |
![Thumb](http://upload.wikimedia.org/wikipedia/commons/thumb/6/6e/A_Cassia_auriculata_shrub.jpg/640px-A_Cassia_auriculata_shrub.jpg)
ഔഷധഗുണങ്ങൾ
ധാരാളം ഔഷധ ഗുണമുള്ള ആവരയുടെ എല്ലാ ഭാഗങ്ങളും കുഷ്ഠം, ആസ്ത്മ, സന്ധിവാതം[4], പ്രമേഹം[5] തുടങ്ങിയ രോഗങ്ങളിൽ പ്രധാനമായി ഉപയോഗിച്ചു വരുന്നു. ചില ഔഷധക്കൂട്ടുകളിൽ ജ്വര ചികിത്സയ്ക്കും,ആമാശയ പുണ്ണിനും ത്വക് രോഗങ്ങളിലും ഉപയോഗിക്കുന്നു[6]. പൂക്കളിൽ ഫ്ലേവനോയിഡുകൾ, പ്രൊആന്തോസയാനിഡിൻ, β സീറ്റോസ്റ്റീറോൾ എന്നീ ഘടകങ്ങൾ അടങ്ങിയിട്ടുണ്ട്[7][8].
ആധുനിക ഔഷധശാസ്ത്രം
പൂക്കൾ ജലത്തിൽ കുതിർത്ത ലായനി ഒരു കിലോഗ്രാം ശരീരഭാരത്തിന് 0.45 ഗ്രാം എന്ന അളവിൽ പ്രമേഹൌഷധമായി ഉപയോഗിക്കാം[9][10]. ഒരേ അനുപാതത്തിൽ ജലവും മദ്യവും ചേർന്ന ലായനിയിൽ പൂക്കളുടെ പൊടി കുതിർത്തെടുത്ത ലായനി ഉപയോഗിച്ച് പ്രമേഹം ബാധിച്ച എലികളിൽ നടത്തിയ ഗവേഷണങ്ങളിൽ, പൂക്കളിലടങ്ങിയ എൻ-ബ്യൂട്ടനോൾ അംശങ്ങളാണ് പ്രമേഹൌഷധമായി പ്രവർത്തിക്കുന്നത് എന്ന് കണ്ടെത്തിയിട്ടുണ്ട്[11]. പൂക്കൾ എഥനോൾ, മെഥനോൾ മദ്യങ്ങളിൽ കുതിർത്ത ലായനികളിൽ നടത്തിയ പരീക്ഷണങ്ങൾ, അവയിൽ വാർദ്ധക്യത്തെ പ്രതിരോധിക്കുന്ന ആന്റൈഓക്സിഡന്റുകൾ അടങ്ങിയിട്ടുണ്ട് എന്ന് തെളിയിച്ചു.[12]. പരീക്ഷണവിധേയമാക്കിയ എലികളിൽ മദ്യം മൂലമുണ്ടാകുന്ന കരൾ രോഗത്തിന് ഇലകളുടെ നീര് ചേർത്തൂണ്ടാക്കിയ ലായനി ഒരു കിലോഗ്രാം ശരീരഭാരത്തിന് 250 മില്ലിഗ്രാം എന്ന അളവിൽ നൽകുമ്പോൾ കരൾ രോഗത്തിന് പ്രതിവിധിയായും പ്രതിരോധമായും പ്രവർത്തിക്കുന്നു[13][14].
ആയുർവേദത്തിൽ
നേത്ര രോഗങ്ങൾ, രക്തസ്രാവം, വന്ധ്യത, ത്വൿരോഗങ്ങൾ, ഗർഭാശയ സംബന്ധിയായ രോഗങ്ങൾ, അജീർണ്ണം, പ്രമേഹം തുടങ്ങിയ രോഗങ്ങളുടെ ആയുർവേദ ചികിത്സയിൽ ആവര ഉപയോഗിച്ചു വരുന്നു. പൂക്കൾ തമിഴ്നാട്ടിൽ ഭക്ഷണമായി ഉപയോഗിക്കുന്നു[2].
മറ്റ് ഉപയോഗങ്ങൾ
തുകൽ ഊറയ്ക്കിടുന്നതിന് ഉപയോഗിക്കുന്നു, ടാന്നേർസ് കാസ്സ്യ എന്ന പേർ അതുകൊണ്ട്[2].
മറ്റിനങ്ങൾ
![Thumb](http://upload.wikimedia.org/wikipedia/commons/thumb/3/3a/Ranawara_or_Avaram-_Senna_auriculata_at_Sindhrot_near_Vadodara%2C_Gujrat_Pix_047.jpg/640px-Ranawara_or_Avaram-_Senna_auriculata_at_Sindhrot_near_Vadodara%2C_Gujrat_Pix_047.jpg)
പൊന്നാവരയെന്ന് പേരുള്ള ഇനത്തിന്റെ പൂക്കൾക്ക് ചുവപ്പു നിറമാണ്[2].
അവലംബം
പുറത്തേക്കുള്ള കണ്ണികൾ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.