പൊന്മുടി നിഴൽത്തുമ്പി

നിഴൽത്തുമ്പി കുടുംബത്തിൽ ഉള്ള ഒരു സൂചിത്തുമ്പിയാണ് പൊന്മുടി നിഴൽത്തുമ്പി (ശാസ്ത്രീയനാമം: Protosticta ponmudiensis).^[1][2] ഇത് പശ്ചിമഘട്ടത്തിലെ ഒരു തദ്ദേശീയ തുമ്പിയാണ്.^[2]

പൊന്മുടി നിഴൽത്തുമ്പി
ആൺതുമ്പി
Scientific classification
കിങ്ഡം:	Animalia
Phylum:	Arthropoda
Class:	Insecta
Order:	Odonata
Family:	Platystictidae
Genus:	Protosticta
Species:	P. ponmudiensis
Binomial name
Protosticta ponmudiensis Kiran, Kalesh & Kunte, 2015

ഇന്ത്യയിൽ കണ്ടെത്തിയിട്ടുള്ള പതിനൊന്നു നിഴൽത്തുമ്പികളിൽ എട്ടും പശ്ചിമഘട്ടത്തിൽനിന്നും ആണ്.^[3][4]

കിരണും കലേഷും 2013 ൽ ഈ തുമ്പിയെ പൊന്മുടിയിൽ കാട്ടരുവിയുടെ വശത്തുള്ള ഉണങ്ങിയ പുൽപ്പടർപ്പിൽ അൽപ്പം ഉയരെയായി കണ്ടെത്തി. പുള്ളി നിഴൽത്തുമ്പി ആനമല നിഴൽത്തുമ്പി മുളവാലൻ തുമ്പികൾ, ചെങ്കറുപ്പൻ അരുവിയൻ, കാവിക്കോമരം, കൊമ്പൻ ക‌‌‌ടുവ തുടങ്ങിയ സമാന ആവാസവ്യവസ്ഥയിൽ കാണപ്പെടുന്ന മറ്റു തുമ്പികൾക്കൊപ്പമാണ് ഇവയും കണ്ടത്. വലിപ്പക്കൂടുതലും തിളങ്ങുന്ന പച്ച കണ്ണുകളും ഉദരത്തിന്റെ എഴാം ഘണ്ഡത്തിലെ വീതിയുള്ള വരയും കുറുവാലുകളുടെ പ്രത്യേക ആകൃതിയും ഇവയെ മറ്റു നിഴൽത്തുമ്പികളിൽനിന്നും തിരിച്ചറിയാൻ സഹായിക്കും.^[2][5]

• 
  തല (ആൺതുമ്പി)
• 
  കണ്ണുകൾ (ആൺതുമ്പി)
• 
  ഉദരത്തിന്റെ അവസാന ഘണ്ഡങ്ങൾ
• 
  കുറുവാലുകൾ (ആൺതുമ്പി)
• 
  ചിറകുകൾ (ആൺതുമ്പി)

ഇതും കാണുക

• ഇന്ത്യയിലെ തുമ്പികളുടെ പട്ടിക
• കേരളത്തിലെ തുമ്പികൾ