കുരുക്ഷേത്രം

ഇന്ത്യൻ സംസ്ഥാനമായ ഹരിയാനയിലെ ഒരു നഗരമാണ് കുരുക്ഷേത്രം. (കുരുക്ഷേത്ര; ഹിന്ദി: कुरुक्षेत्र). ചരിത്രപരമായും മതപരമായും ഒട്ടേറെ പ്രത്യേകതകളുള്ള ഒരു സ്ഥലമാണ് കുരുക്ഷേത്രം. ധർമ്മക്ഷേത്രം എന്നും കുരുക്ഷേത്രം അറിയപ്പെടുന്നു. മഹാഭാരതത്തിൽ പരാമർശിക്കുന്ന കുരുക്ഷേത്രയുദ്ധം നടന്നതും ഭഗവാൻ ശ്രീ കൃഷ്ണൻ ഗീതോപദേശം അരുളിയതും ഇവിടെവെച്ചാണ്.^[1]

കുരുക്ഷേത്രം (കുരുക്ഷേത്ര)
നഗരം
Country	ഇന്ത്യ
സംസ്ഥാനം	ഹരിയാന
ജില്ല	കുരുക്ഷേത്ര ജില്ല
വിസ്തീർണ്ണം
• ആകെ	1,530 ച.കി.മീ. (590 ച മൈ)
ജനസംഖ്യ
• ആകെ	9,65,781
• ജനസാന്ദ്രത	630/ച.കി.മീ. (1,600/ച മൈ)
Languages
• Official	Hindi
സമയമേഖല	UTC+5:30 (IST)
PIN	136118
Telephone code	911744
വാഹന രജിസ്ട്രേഷൻ	HR 07X XXXX
വെബ്സൈറ്റ്	kurukshetra.nic.in

ഇതേ പേരിലുള്ള ചലച്ചിത്രത്തെക്കുറിച്ചറിയാൻ, ദയവായി കുരുക്ഷേത്രം (ചലച്ചിത്രം) കാണുക.

പദോല്പത്തി

കുരുവംശത്തിലെ രാജാവും പാണ്ഡവരുടെയും കൗരവരുടേയും പൂർവ്വികനുമായ രാജ കുരുവിന്റെ നാമധേയത്തിൽ നിന്നാണ് കുരുക്ഷേത്ര എന്ന പദം ഉണ്ടായിരിക്കുന്നത്.

ചരിത്രം

ഭൂമിശാസ്ത്രം

ഹരിയാനയുടെ വടക്കുഭാഗത്തായി 29° 57′ N നും 76° 50′ E-നും ഇടയിലായാണ് കുരുക്ഷേത്ര സ്ഥിതിചെയ്യുന്നത്. സമുദ്രനിരപ്പിൽനിന്നും 260മീറ്റർ ഉയരത്തിലാണ് ഈ പ്രദേശം. സമുദ്രസാമീപ്യം ഇല്ലാത്തതിനാലും ഭൂമിശാസ്ത്രപരമായ സ്ഥാനം മൂലവും അഞ്ച് ഋതുക്കളും ഇവിടെ അനുഭവപ്പെടുന്നു. വേനൽക്കാലം, മൺസൂൺ, ശരത്കാലം, ശൈത്യകാലം, വസന്തകാലം എന്നിവയാണ് ആ അഞ്ച് ഋതുക്കൾ. ജൂലൈയിൽ ആരംഭിക്കുന്ന മഴക്കാലം ആഗസ്ത് മാസം വരെ നീണ്ടുനിൽക്കുന്നു. അതിശൈത്യമാണ് ഇവിടെ അനുഭവപ്പെടാറുള്ളത് മഞ്ഞുകാലത്ത് ഇവിടുത്തെ താപനില 4° C വരെ താഴാറുണ്ട്. ഹിമാലയത്തിൽനിന്നുള്ള തണുത്ത കാറ്റും ശൈത്യത്തിന്റെ കാഠിന്യം വർദ്ധിപ്പിക്കുന്നു.^[2]