അമൃത റാവു

ബോളിവുഡ് ചലച്ചിത്ര രംഗത്തെ ഒരു നടിയും മോഡലുമാണ് അമൃത റാവു (കൊങ്കണി: ಅಮೃತಾ ರಾವ್. IPA: [əmrita raʊ], (ജനനം: ജൂൺ 17, 1981)^[1][2]

അമൃത റാവു
അമൃത റാവു
ജനനം	(1981-06-17) 17 ജൂൺ 1981  (43 വയസ്സ്) മുംബൈ, മഹാരാഷ്ട്ര, ഇന്ത്യ
തൊഴിൽ(s)	മോഡൽ, അഭിനേത്രി
സജീവ കാലം	2002 - ഇതുവരെ
വെബ്സൈറ്റ്	http://www.amrita-rao.com/

ആദ്യജീവിതം

പിതാവ് ദീപക് റാവു. കർണ്ണാടകയിലെ ചിത്രപ്പൂരിലെ ഒരു ബ്രാഹ്മണ കുടുംബത്തിലാണ് അമൃത ജനിച്ചത്.^[2][3] അമൃതക്ക് പ്രീതികാ റാവു എന്ന ഒരു ഇളയ സഹോദരിയുമുണ്ട്. അമൃതക്ക് മാതൃഭാഷയായ കൊങ്കണിക്ക് പുറമെ, ഇംഗ്ലീഷ്, മറാത്തി, ഹിന്ദി, കന്നട എന്നീ ഭാഷകളും നന്നായി കൈകാര്യംചെയ്യാനറിയാം. ^[4] .

സ്കൂൾ ജീവിതം കഴിഞ്ഞത് മുംബൈയിലാണ്. മനഃശാസ്ത്രത്തിൽ ബിരുദം എടുത്തിട്ടുണ്ട്. കോളേജ് കാലഘട്ടത്തിൽ തന്നെ ഒരു പരസ്യകമ്പനിയുടെ പരസ്യ ചിത്രത്തിൽ അഭിനയിച്ചു.

അഭിനയ ജീവിതം

തന്റെ അഭിനയ ജീവിതം ആരംഭിച്ചത് ഒരു മോഡലായിട്ടാ‍ണ്. ആദ്യ ചിത്രത്തിൽ അഭിനയിക്കുന്നത് 2002 ലെ അബ് കെ ബരസ് എന്ന ചിത്രമാണ്. പക്ഷേ, 2003 ൽ ഇറങ്ങിയ ഇഷ്ക് വിഷ്ക് എന്ന ചിത്രത്തിലെ അഭിനയം ശ്രദ്ധേയമായി. ഇതിലെ അഭിനയത്തിന് മികച്ച പുതുമുഖത്തിനുള്ള ഫിലിംഫെയർ പുരസ്കാരം ലഭിച്ചു. പിന്നീട് 2004 ലെ മേം ഹൂ ന, 2006 ലെ വിവാഹ് എന്നീ ചിത്രങ്ങൾ മികച്ചതായിരുന്നു. ഈ വിജയ ചിത്രത്തിൽ ഷാഹിദ് കപൂർ ആയിരുന്നു നായകൻ. ^[5] ഈ ചിത്രത്തിലെ അഭിനയത്തിന് മികച്ച അഭിപ്രായം ലഭിക്കുകയും ^[6] ഇത് ഒരു ദാദ ഫാൽകെ പുരസ്കാരം ലഭിക്കുന്നതിനും കാരണമായി.

അടുത്തിടെ ഒരു തെലുഗു ചിത്രത്തിൽ അഭിനയിച്ചത് വിജയമായി.^[7] 2007 ൽ ചിത്രങ്ങൾ ഒന്നും ഉണ്ടായിരുന്നില്ല. 2008 ൽ ശ്രേയസ് തൽപടെ നായകനായ വെൽക്കം ടു സജ്ജൻപ്പൂർ എന്ന ചിത്രം ശ്രദ്ധേയമായി.

അഭിനയിച്ച ചിത്രങ്ങൾ

Year	Title	Role	Notes
2002	അബ് കെ ബരസ്	അഞ്ജലി താപർ/നന്ദിനി
2002	ദി ലജന്റ്റ്‌ ഓഫ് ഭഗത് സിംഗ്	മന്നെവാളി
2003	ഇശ്ക് വിശ്ക്	പായൽ മെഹ്റ	പ്രഥമ സിനിമയിൽ മികച്ച നടിക്കുള്ള ഫിലിംഫെയർ അവാർഡിന് നാമനിർദ്ദേശം.
2004	മസ്തി	ആഞ്ചൽ മെഹ്ത
2004	മേ ഹൂ നാ	സഞ്ജന (സഞ്ജു) ബക്ഷി	മികച്ച സഹനടിക്കുള്ള ഫിലിംഫെയർ അവാർഡിന് നാമനിർദ്ദേശം.
2004	ദീവാർ	രാധിക
2005	വാഹ്! ലൈഫ് ഹോ തോ ഐസി!	പ്രിയ
2005	ഷിഖാർ	മാധ്വി
2006	പ്യാരേ മോഹൻ	പിയാ
2006	വിവാഹ്	പൂനം
2007	ഹേ ബേബി	”ഹേ ബേബി” എന്ന പാട്ടിൽ അതിഥി വേഷം
2007	അതിഥി	അമൃത	തെലുഗു സിനിമ
2008	മൈ നെയിം ഈസ്‌ ആന്റണി ഗോൺസാൽവസ്	റിയ
2008	ശൌര്യ	നീര്ജ രാത്തോഡ്	അതിഥി വേഷം[8]
2008	വെൽക്കം ടു സജ്ജൻപൂർ	കംല	മികച്ച നടിക്കുള്ള സ്റ്റാർഡസ്റ്റ്‌ പുരസ്കാരം.
2009	വിക്ടറി	നന്ദിനി
2009	ഷോർട്ട് കട്ട്‌: ദി കോൺ ഈസ്‌ ഓൺ	മാൻസി
2009	ലൈഫ് പാർട്ണർ	അഞ്ജലി കുമാർ	അതിഥി വേഷം
2010	ജാനേ കഹാൻ സെ ആയി ഹെ	താരയുടെ സഹോദരി	അതിഥി വേഷം
2011	ലവ് യു.....മിസ്‌ടർ കലാകാർ!	റിതു
2013	ജോളി LLB[9][10]	സന്ധ്യ
2013	സിംഗ് സാഹബ്‌ ദി ഗ്രേറ്റ്‌ [11]	ജേർണലിസ്റ്റ്‌[12]
2013	സത്യാഗ്രഹ[13][14]
2013	ഹങ്കാമെ പെ ഹങ്കാമ	സിമ്രാൻ
2013	ക്രെയ്സി സിറ്റി