From Wikipedia, the free encyclopedia
ഹെമു കലാനി ഇന്ത്യൻ സ്വാതന്ത്ര്യ സമരകാലത്തെ സിന്ധി വിപ്ലവകാരിയും സ്വാതന്ത്ര്യസമര സേനാനിയും ആയിരുന്നു. ( ഹിന്ദി : ہیمو کالانی , ഹിന്ദി : हेमु कालाणी ).[1] അദ്ദേഹം അഖിലേന്ത്യാ വിദ്യാർത്ഥി ഫെഡറേഷൻ (എഐഎസ്എഫ്) ആയ സ്വരാജ് സേനയുടെ നേതാവായിരുന്നു.
Hemu Kalani | |
|---|---|
 Picture of Hemu Kalani | |
| ജനനം | 23 മാർച്ച് 1923 |
| മരണം | 21 ജനുവരി 1943 (പ്രായം 19) |
| തൊഴിൽ | Revolutionary leader, freedom fighter, political activist |
| പ്രസ്ഥാനം | Indian Independence Movement |
ഹെമു കലാനി | |
|---|---|
 Funeral of Hemu Kalani, 21 January 1943 |
1923 മാർച്ച് 23 ന് സിന്ധിലെ സക്കൂർ എന്ന സ്ഥലത്താണ് ഹെമു കലാനി ജനിച്ചത്. .[2] ഇദ്ദേഹം പെസുമൽ കാലാനിയുടെയും ജെതി ബായിയുടെയും മകനായിരുന്നു. കുട്ടിക്കാലം മുതൽ യൗവനകാലം വരെ വിദേശ സാധനങ്ങളുടെ ബഹിഷ്ക്കരണത്തിനായി സുഹൃത്തുക്കളോടൊപ്പം പ്രചരണം നടത്തി. സ്വദേശി ചരക്ക് ഉപയോഗിക്കാനായി ആളുകളെ പ്രേരിപ്പിക്കാൻ ശ്രമിച്ചു. വിപ്ലവ പ്രവർത്തനങ്ങളിലേക്ക് കൂടുതൽ ആകർഷിക്കപ്പെടുകയും ബ്രിട്ടീഷുകാരെ എതിർത്തുകൊണ്ട് പ്രതിഷേധ പ്രകടനങ്ങളിലും റെയ്ഡിലും പങ്കെടുക്കുകയും ചെയ്തു കൊണ്ട് ബ്രിട്ടീഷ് രാജിന്റെ വാഹനങ്ങൾ കത്തിച്ചുകളയുകയും ചെയ്തിരുന്നു.
മഹാത്മാ ഗാന്ധിയുടെ ക്വിറ്റ് ഇന്ത്യാ പ്രസ്ഥാനം 1942- ൽ ആരംഭിച്ചപ്പോൾ ഹെമു കലാനിയും ചേർന്നു. സിന്ധിലെ പ്രസ്ഥാനത്തിന്റെ പിന്തുണയ്ക്കായി ബ്രിട്ടീഷ് ഭരണാധികാരികൾ യൂറോപ്യൻ ബറ്റാലിയനുകൾ അടങ്ങുന്ന പ്രത്യേക സേനയെ അയയ്ക്കേണ്ടിവന്നു. ഒരു റെയിൽവേ ട്രെയിനിൽ ഈ സേനയുടെ സാധനങ്ങളും പ്രാദേശിക സ്ഥലങ്ങളിലൂടെ കടന്നു പോകുന്നതായി ഹെമു കലാനി കണ്ടെത്തി. ട്രാക്കിൽ നിന്ന് ഫിഷ് പ്ലേറ്റുകൾ ഒഴിവാക്കുന്നതിലൂടെ പാളംതെറ്റിക്കാൻ തീരുമാനിക്കുകയും ചെയ്തു. ഇതിലേയ്ക്കുവേണ്ടി അദ്ദേഹത്തിനും അദ്ദേഹത്തിന്റെ സഹപ്രവർത്തകർക്കും ആവശ്യമായ ഉപകരണങ്ങൾ ഇല്ലാത്തതിനാൽ അവ പരിഹരിക്കാനുള്ള മാർഗ്ഗമായി ഒരു കയർ ഉപയോഗിക്കേണ്ടി വന്നു.
അട്ടിമറി അവസാനിപ്പിക്കാൻ കഴിയുന്നതിന് മുൻപ് ബ്രിട്ടീഷ് സേന അവരെ കണ്ടുപിടിച്ചു. തന്റെ സഹ-ഗൂഢാലോചനക്കാരുടെ പേരുകൾ വെളിപ്പെടുത്താൻ ഹെമുവിനെ പിടികൂടി, അറസ്റ്റുചെയ്യുകയും പീഡിപ്പിക്കുകയും ചെയ്തു. ഏതെങ്കിലും വിവരം വെളിപ്പെടുത്താൻ അദ്ദേഹം വിസമ്മതിച്ചു, ഒടുവിൽ വിചാരണ ചെയ്യുകയും വധശിക്ഷക്ക് വിധിക്കുകയും ചെയ്തു. സിന്ധിലെ ജനങ്ങൾ വൈസ്രോയിയോട് ദയകാണിക്കണമെന്ന് അപേക്ഷിച്ചു. പക്ഷേ, തന്റെ സഹ-ഗൂഢാലോചനക്കാരുടെ വിവരങ്ങൾ അധികാരികൾക്ക് അറിയിക്കണമെന്നതായിരുന്നു അവരുടെ നിലപാട്. അദ്ദേഹം വിവരങ്ങൾ കൈമാറാൻ വിസമ്മതിച്ചു. തുടർന്ന് 1943 ജനുവരി 21 ന് അദ്ദേഹം തൂക്കിലേറ്റുകയും ചെയ്തു.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
