ഹിപ്നോട്ടിസം എന്നു പറയുമ്പോൾ മാജിക് അല്ലെങ്കിൽ, ഒരു അജ്ഞാത ശക്തി ഇവയിലേതെങ്കിലുമാണ് ഭൂരിഭാഗം പേരുടെയും മനസ്സിലേക്കോടിയെത്തുന്നത്. ഈ തെറ്റിദ്ധാരണ വിദ്യാസമ്പന്നരുടെ ഇടയിൽപ്പോലുമുണ്ട്. ഭീതി പരത്തുന്ന ഒരു പുകമറയായി ബാല്യമനസ്സുകളിലും ഈ വാക്ക് കുത്തിത്തിരുകപ്പെട്ടിരിക്കുന്നു. ഒരു സ്വാഭാവിക ഉറക്കം തന്നെയാണ് ഹിപ്നോട്ടിസം കൊണ്ട് ഉദ്ദേശിക്കുന്നത്. എന്താണ് സ്വാഭാവികമായ ഉറക്കം. അതായത്, ഒരാളുടെ പഞ്ചേന്ദ്രിയങ്ങളിലൂടെ കടന്നുപോകുന്ന ആവേഗം തലച്ചോറിലെത്തുകയും തുടര്ന്ന് അതിനെ മടുപ്പിക്കുകയും ചെയ്യുമ്പോഴാണ് ഉറക്കം അനുഭവപ്പെടുന്നത്. ചിട്ടയായ നിർദ്ദേശങ്ങളും ശബ്ദത്തിന്റെ പ്രത്യേക താളക്രമവും ഉപയോഗിച്ചാണ് ഇവിടെ ഒരു വ്യക്തിയെ മോഹനിദ്രയിലേക്ക് (ഹിപ്നോട്ടിസം) നയിക്കുന്നത്. മനസ്സിന്റെ അവസ്ഥയെ പൊതുവായി നാല് ആയി തിരിക്കാം. അവബോധമനസ് (CONSCIOUS MIND), ഉപബോധമനസ് (SUB CONSCIOUS MIND), (SUPER CONSCIOUS MIND), പ്രപഞ്ചബോധമനസ് അഥവാ മഹാബോധമനസ് (COSMIC CONSCIOUS MIND). പുരാതന ഹിന്ദു ശാസ്ത്രത്തിൽ മനസിന്റെ അവസ്ഥകളെപ്പറ്റി ധാരാളമായി പറയുന്നുണ്ട്. ആയുർവ്വേദം പോലുള്ള വേദ ശാസ്ത്രത്തിൽ ഇത് ചികിത്സാ രംഗത്തും പ്രയോജനപ്പെടുത്തുന്നു.അവിടെ മനസിന്റെ അവസ്ഥയെ നാലായിട്ടല്ല മറിച്ച്‌ ആറ് ആയി പറയുന്നു. അവ ഇപ്രകാരമാണ്.ജാഗ്രത്, സ്വപ്നം,സുഷ്പ്തി, സമാധി, തുരീയം , തുരീയാതീതം, ജന്മ ജന്മാന്തരങ്ങളിൽ കൂടി നാം ആർജ്ജിച്ച പല വിവരങ്ങളും ഇവിടെ പല തട്ടുകളിലായി സൂക്ഷിക്കപ്പെട്ടിരിക്കുന്നു. ഒരു പ്രത്യേക രീതിയിലൂടെ അവയെ പുറത്തുകൊണ്ടുവന്ന് ചികിത്സക്ക് ഉപയോഗിക്കുക എന്നതാണ് ഇവിടെ നടക്കുന്ന കാര്യം.പല വ്യക്തികളും ഇന്ന് അനുഭവിക്കുന്ന പല പ്രശ്നങ്ങൾക്കും ഉള്ള പരിഹാരം അവരുടെ പൂർവജന്മം അന്വേഷിച്ചാൽ ലഭിക്കുന്നതാണ്.
ഹിപ്നോട്ടിസമെന്ന പ്രതിഭാസത്തിൽ ആ ഗാഢനിദ്രയ്ക്കു വേണ്ട സാഹചര്യങ്ങൾ ഒരുക്കി കൊടുക്കുകയാണ് ചെയ്യുന്നത്. അങ്ങനെ ഒരേ തരത്തിലുള്ള ഉത്തേജനം മസ്തിഷ്ക്കത്തിലെത്തുമ്പോൾ അവിടെ അതിന് ഒരു നിരോധനം ഉണ്ടാകുന്നു. താരാട്ട് പാടുമ്പോൾ കുട്ടികൾ ഉറങ്ങുന്നതും ഇതേ ശാസ്ത്രതത്വം മൂലമാണെന്നു കരുതപ്പെടുന്നു. പ്രകാശമുള്ള വസ്തുവിൽ ശ്രദ്ധ കേന്ദ്രീകരിക്കുക, ഒരേ താളത്തിലുള്ള ഈണം കേൾക്കുക തുടങ്ങിയവ ഒരാളെ അഗാധനിദ്രയിലേയ്ക്കു നയിക്കും.ഹിപ്നോട്ടിക് നിദ്രയിലായിരിക്കുമ്പോൾ തന്നെ വ്യക്തിയുമായി ആശയവിനിമയം നടത്താൻ മനശ്ശാസ്ത്രജ്ഞൻ ഒരു സെൻട്രി പോസ്റ്റ് നിലനിർത്തുന്നു. ഉദാഹരണം വ്യക്തിയുമായി സംസാരിച്ചുകൊണ്ടിരിക്കുന്നവേളയിൽത്തന്നെ ഇങ്ങനെ, നിദ്രയിലായാലും ആശയ വിനിമയം സുസാധ്യമാകുന്നു.
ഹിപ്നോട്ടിസത്തിലൂടെ വിധേയൻ ആയ വ്യക്തിയെ അയാളുടെ കഴിഞ്ഞുപോയ ഏതു പ്രായത്തിൽ ഉള്ള അവസ്ഥയിലേക്കും കൊണ്ടുപോകാൻ സാധിക്കുന്നതാണ്. പൂർവ്വകാലത്തു ഉണ്ടായ ചില ജീവിത അനുഭവങ്ങൾ അയാളുടെ സ്വഭാവത്തിൽ നെഗറ്റീവ് ആയ മാറ്റങ്ങൾ വരുത്തിയിട്ടുണ്ടോ എന്ന് മനസ്സിലാക്കാനും അതിനുള്ള പരിഹാര മാർഗങ്ങൾ ഉപബോധ മനസ്സിന് നൽകാനും അതുവഴി വ്യക്തിത്വത്തെ മെച്ചപ്പെടുത്താനും സാധിയ്ക്കും. ഉദാഹരണത്തിന്, അകാരണമായ ഭയം, ആത്മവിശ്വാസം ഇല്ലായ്മ തുടങ്ങിയ മാനസിക സ്ഥിതികൾക്ക് പരിഹാരം കാണാൻ കഴിയും.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
