ഇന്ത്യൻ ചലചിത്ര അഭിനേതാവ് From Wikipedia, the free encyclopedia
മലയാള ചലച്ചിത്ര അഭിനേതാവും നിർമ്മാതാവുമാണ് സുരേഷ് കൃഷ്ണ (ജനനം: 05 ഏപ്രിൽ 1973) 2001-ൽ വിനയൻ സംവിധാനം ചെയ്ത കരുമാടിക്കുട്ടൻ എന്ന സിനിമയിലെ വില്ലൻ വേഷം അഭിനയ ജീവിതത്തിൽ വഴിത്തിരിവായി. 2012-ൽ ചേട്ടായീസ് എന്ന സിനിമ നിർമ്മിച്ച് നിർമ്മാണ രംഗത്തും സാന്നിധ്യമറിയിച്ചു[1][2][3].
സുരേഷ് കൃഷ്ണ | |
---|---|
ജനനം | സുരേഷ് കുമാർ ഏപ്രിൽ 5, 1973 |
തൊഴിൽ | സിനിമാ നടൻ |
സജീവ കാലം | 2001-ഇതുവരെ |
ജീവിതപങ്കാളി(കൾ) | ശ്രീലക്ഷ്മി |
മാതാപിതാക്ക(ൾ) | ബാലകൃഷ്ണ പണിക്കർ, പാർവ്വതിയമ്മ |
തൃശൂർ ജില്ലയിലെ ഗുരുവായൂരിൽ സർക്കാർ ഉദ്യോഗസ്ഥനായിരുന്ന ബാലകൃഷ്ണ പണിക്കരുടേയും പാർവ്വതിയുടേയും മകനായി 1973 ഏപ്രിൽ 5ന് ജനിച്ചു. പിതാവിൻ്റെ ജോലി തമിഴ്നാട്ടിലായതിനാൽ പഠിച്ചതും വളർന്നതുമെല്ലാം തമിഴ്നാട്ടിലായിരുന്നു. 1990-ൽ ദൂരദർശനിൽ സംപ്രേക്ഷണം ചെയ്ത തമിഴ് സീരിയലായ തിരുവള്ളുവരിൽ തിരുവള്ളുവർ എന്ന കഥാപാത്രമായി അഭിനയിച്ചത് തമിഴ്നാട് മുഴുവൻ ശ്രദ്ധിക്കപ്പെട്ടു. ആദ്യകാലങ്ങളിൽ മലയാളത്തിലും തമിഴിലും നിരവധി സീരിയലുകളിൽ അഭിനയിച്ചു.
മലയാള സിനിമയിൽ സുരേഷ് കൃഷ്ണ അഭിനയിക്കാൻ തുടങ്ങുന്നത് 1993-ൽ ചമയം എന്ന സിനിമയിലൂടെയാണ്. തുടർന്ന് സിനിമകളിൽ ചെറിയ വേഷങ്ങൾ ചെയ്തു വന്നിരുന്ന സുരേഷ് കൃഷ്ണയുടെ അഭിനയ ജീവിതത്തിൽ വഴിത്തിരിവായത് വിനയൻ സംവിധാനം ചെയ്ത് 2001-ൽ റിലീസായ കരുമാടിക്കുട്ടൻ എന്ന സിനിമയിലെ വില്ലൻ വേഷമാണ്. തുടർന്ന് നിരവധി സിനിമകളിൽ വില്ലൻ വേഷങ്ങൾ ചെയ്തു. കൂടാതെ സ്വഭാവ നടനായും അഭിനയിച്ചു വരുന്നു. പഴശിരാജയിലെ കൈതേരി അമ്പു, കുട്ടിസ്രാങ്കിലെ ലോനി ആശാൻ, അനാർക്കലിയിലെ ആറ്റക്കോയ എന്നിവ സുരേഷ് കൃഷ്ണയുടെ വ്യത്യസ്ഥമായതും നിരൂപക പ്രശംസ നേടിയതുമായ കഥാപാത്രങ്ങളാണ്[4][5].
അഭിനയം കൂടാതെ മറ്റ് മേഖലകളിലും അദ്ദേഹം പ്രവർത്തിച്ചിട്ടുണ്ട്. നടൻ ബിജുമേനോൻ, സംവിധായകൻ ഷാജു കാര്യാൽ, തിരക്കഥാകൃത്ത് സച്ചി, ഛായാഗ്രാഹകൻ പി.സുകുമാർ എന്നിവരോടൊപ്പം ചേർന്ന് തക്കാളി ഫിലിംസ് എന്ന നിർമാണ കമ്പനി രൂപീകരിച്ച് ആ കമ്പനിയുടെ ബാനറിൽ ചേട്ടായീസ് എന്ന സിനിമ നിർമ്മിച്ചു. തക്ഷശില എന്ന സിനിമയിൽ സഹ സംവിധായകനായും പ്രവർത്തിച്ചു. ചാപ്റ്റേഴ്സ് എന്ന സിനിമക്ക് വേണ്ടി ശബ്ദം നൽകി.
സ്വകാര്യ ജീവിതം
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.