യോനിയിലെ കോശങ്ങളിൽ വികസിക്കുന്ന അപൂർവമായ അർബുദമാണ് വജൈനൽ കാൻസർ.[1]പ്രാഥമിക യോനിയിലെ കാൻസർ ഉത്ഭവിക്കുന്നത് യോനിയിലെ ടിഷ്യൂവിൽ നിന്നാണ് - മിക്കപ്പോഴും സ്ക്വാമസ് സെൽ കാർസിനോമ, എന്നാൽ പ്രൈമറി യോനിയിലെ അഡിനോകാർസിനോമ, സാർക്കോമ, മെലനോമ എന്നിവയും റിപ്പോർട്ട് ചെയ്യപ്പെട്ടിട്ടുണ്ട്.[2] അതേസമയം ദ്വിതീയ യോനിയിലെ ക്യാൻസറിൽ മറ്റൊരു ഭാഗത്ത് ഉത്ഭവിച്ച ക്യാൻസറിന്റെ മെറ്റാസ്റ്റാസിസ് ഉൾപ്പെടുന്നു. ദ്വിതീയ യോനിയിലെ ക്യാൻസറാണ് കൂടുതലായി കാണപ്പെടുന്നത്.[3] യോനിയിലെ ക്യാൻസറിന്റെ ലക്ഷണങ്ങളിൽ യോനിയിൽ രക്തസ്രാവം, ഡിസൂറിയ, ടെനെസ്മസ്, അല്ലെങ്കിൽ പെൽവിക് വേദന എന്നിവ ഉൾപ്പെടാം[4][5]. എന്നിരുന്നാലും യോനിയിൽ കാൻസർ കണ്ടെത്തിയ 20% സ്ത്രീകളും രോഗനിർണയ സമയത്ത് രോഗലക്ഷണങ്ങളില്ലാത്തവരാണ്.[6]50 വയസ്സിനു മുകളിലുള്ള സ്ത്രീകളിലാണ് യോനിയിൽ ക്യാൻസർ കൂടുതലായി കാണപ്പെടുന്നത്. യോനിയിലെ കാൻസർ രോഗനിർണയത്തിന്റെ ശരാശരി പ്രായം 60 വയസ്സാണ്.[7] പ്രാരംഭ ഘട്ടത്തിൽ കണ്ടെത്തി ചികിത്സിച്ചാൽ പലപ്പോഴും ഭേദമാക്കാവുന്നതാണ്. യോനിയിലെ അർബുദത്തെ ചികിത്സിക്കാൻ സാധാരണയായി സർജറി അല്ലെങ്കിൽ പെൽവിക് റേഡിയേഷനുമായി സംയോജിപ്പിച്ച ശസ്ത്രക്രിയ ഉപയോഗിക്കുന്നു.
| Vaginal cancer | |
|---|---|
| സ്പെഷ്യാലിറ്റി | Oncology |
പെൽവിക് മാലിഘ്നന്റ് മുഴകളുള്ള സ്ത്രീകളിൽ 2% ൽ താഴെയാണ് യോനിയിലെ കാർസിനോമ സംഭവിക്കുന്നത്. യോനിയിലെ ക്യാൻസറിന്റെ ഏറ്റവും സാധാരണമായ തരം സ്ക്വാമസ് കാർസിനോമയാണ്. ഹ്യൂമൻ പാപ്പിലോമ വൈറസ് (HPV) യോനിയിലെ ക്യാൻസറുമായി ശക്തമായി ബന്ധപ്പെട്ടിരിക്കുന്നു. യോനിയിലെ അർബുദം മിക്കപ്പോഴും സംഭവിക്കുന്നത് യോനിയുടെ മുകൾ ഭാഗത്താണ് (51%), 30% താഴത്തെ മൂന്നിലിലും 19% മധ്യമൂന്നിലും കാണപ്പെടുന്നു. യോനിയിലെ അർബുദം എപ്പിത്തീലിയൽ ഉപരിതലത്തിൽ നിന്ന് ഉയർന്നുവരുന്ന ക്ഷതം അല്ലെങ്കിൽ അൾസർ പോലെയുള്ള ആഴം കുറഞ്ഞ നിമ്‌നഭാഗം പോലെ പ്രത്യക്ഷപ്പെടാം. ബയോപ്സി വഴിയാണ് കൃത്യമായ രോഗനിർണയം നിർണ്ണയിക്കുന്നത്.[8]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
