മദനോത്സവം

1978 ൽ എൻ. ശങ്കരൻ നായർ തിരക്കഥയും സംവിധാനവും നിർവ്വഹിച്ച് കമൽ ഹാസൻ, സറീനാ വഹാബ്, ജയൻ എന്നിവർ പ്രധാനവേഷങ്ങളിലഭിനയിച്ച ഒരു മലയാളചലച്ചിത്രമാണ് മദനോത്സവം. ചിത്രത്തിലെ സംഭാഷണങ്ങൾ രചിച്ചത് തോപ്പിൽ ഭാസിയും ഹാസ്യ രംഗങ്ങൾ രചിച്ചത് അടൂർ ഭാസിയും ആയിരുന്നു. പരുവ മഴൈ എന്ന പേരിൽ തമിഴിലും ദിൽ കാ സാഥി ദിൽ എന്ന പേരിൽ ഹിന്ദിയിലും ഈ ചിത്രം മൊഴിമാറ്റം ചെയ്യപ്പെട്ടിരുന്നു. ടി. രാമ റാവു ഈ ചിത്രം തെലുങ്കിൽ അമര പ്രേമ എന്ന പേരിൽ പുനർനിർമ്മിച്ചപ്പോഴും പ്രധാന താരങ്ങളായി അഭിനയിച്ചത് കമലഹാസൻ, സറീന വഹാബ് എന്നിവരാണ്. ലവ് സ്റ്റോറി (1970) എന്ന ഇംഗ്ലീഷ് ചിത്രത്തിന്റെ അനൗദ്യോഗിക റീമേക്കാണ് ഈ ചിത്രം.

മദനോത്സവം
സംവിധാനം	എൻ. ശങ്കരൻ നായർ
നിർമ്മാണം	RM Sundaram for RMS FILMS
രചന	എൻ. ശങ്കരൻ നായർ
അഭിനേതാക്കൾ	കമൽ ഹാസൻ സറീനാ വഹാബ് ജയൻ തിക്കുറിശ്ശി സുകുമാരൻ നായർ
സംഗീതം	സലിൽ ചൗധരി Lyrics ഒ.എൻ.വി. കുറുപ്പ്
ഛായാഗ്രഹണം	ജെ. വില്യംസ്
വിതരണം	വിജയാ മൂവീസ്
റിലീസിങ് തീയതി	26 ജനുവരി 1978 (1978-01-26)
രാജ്യം	ഇന്ത്യ
ഭാഷ	മലയാളം

അഭിനേതാക്കൾ

• കമൽ ഹാസൻ - രാജു
• സറീനാ വഹാബ് - എലിസബത്ത്
• ജയൻ - ഡോ. ജയകൃഷ്ണൻ^[1]
• തിക്കുറിശ്ശി സുകുമാരൻ നായർ - അമ്പാടി രാജശേഖരൻ തമ്പി
• ശങ്കരാടി - ഡിക്രൂസ്
• മീന - മറിയാമ്മ
• അടൂർ ഭാസി - ഫ്രെഡറിക് മാർച്ച്
• പ്രതാപചന്ദ്രൻ - ഡോ. രാധാകൃഷ്ണൻ
• മല്ലിക സുകുമാരൻ - രാജശേഖരൻ തമ്പിയുടെ പത്നി
• ശ്രീലതാ നമ്പൂതിരി
• കോട്ടയം ശാന്ത
• പി.കെ. എബ്രഹാം
• പട്ടം സദൻ

സൌണ്ട് ട്രാക്ക്

ഒ.എൻ.വി. കുറുപ്പ് രചിച്ച് സലിൽ ചൗധരി ഈണം പകർന്ന ആറ് ഗാനങ്ങളാണ് ഈ ചിത്രത്തിലുള്ളത്.^[2][3]

ഗാനം	ഗായികാഗായകന്മാർ
"മാട പ്രാവേ വാ"	കെ.ജെ. യേശുദാസ്
"സന്ധ്യേ കണ്ണീരിതെന്തേ സന്ധ്യേ"	എസ്. ജാനകി
"മേലേ പൂമല"	കെ.ജെ. യേശുദാസ്, സബിതാ ചൌധരി
"ഈ മലർകന്യകൾ"	എസ്. ജാനകി
"നീ മായും നിലാവോ"	കെ.ജെ. യേശുദാസ്
"സാഗരമേ ശാന്തമാക നീ"	കെ.ജെ. യേശുദാസ്

അവലംബം

1. "കമൽഹാസൻ ഓർക്കുന്നു; ജരാനരകളില്ലാത്ത ജയനെ". മാതൃഭൂമി ദിനപ്പത്രം. 25 July 2016. Archived from the original on 2021-07-09. Retrieved 3 July 2021.
2. മേനോൻ, രവി (14 February 2018). "സാഗരമേ ശാന്തമാക നീ...' മദനോത്സവത്തിൽ ഉണ്ടാകുമായിരുന്നില്ല". മാതൃഭൂമി ദിനപ്പത്രം. Archived from the original on 2018-04-18. Retrieved 25 February 2018.
3. "'ആ രംഗം കണ്ട് ആരും തിയേറ്ററിൽ നിന്ന് ഇറങ്ങിപ്പോയില്ല; ചിലരൊക്കെ വിതുമ്പിക്കരയുകയും ചെയ്തു'". മാതൃഭൂമി ദിനപ്പത്രം. 27 May 2020. Archived from the original on 2021-07-09. Retrieved 2 July 2021.

പുറത്തേക്കുള്ള കണ്ണികൾ

• മദനോത്സവം ഇന്റർനെറ്റ് മൂവി ഡാറ്റാബേസിൽ