മിനുസമാർന്ന പാളി From Wikipedia, the free encyclopedia
ബോമാൻസ് മെംബ്രേൻ (ബോമാൻസ് പാളി, ആന്റീരിയർ ലിമിറ്റിംഗ് ലാമിന, ആന്റീരിയർ ഇലാസ്റ്റിക് ലാമിന) കോർണിയയിലെ എപ്പിത്തീലിയത്തിനും സ്ട്രോമയ്ക്കും ഇടയിൽ സ്ഥിതിചെയ്യുന്ന മിനുസമാർന്ന പാളിയാണ്. ഇത് ഒരിക്കൽ നശിച്ചാൽ വീണ്ടും ഉണ്ടാകാത്ത പാളിയാണ് . ഇത് ശക്തവും ക്രമരഹിതവുമായ കൊളാജൻ ഫൈബ്രിലുകൾ ചേർന്നതാണ്, അതിൽ മിനുസമാർന്ന മുൻഭാഗം എപ്പിത്തീലിയൽ ബേസ്മെൻറ് മെംബ്രേനിനെ അഭിമുഖീകരിക്കുന്നു, പിൻഭാഗം കോർണിയൽ സ്ട്രോമയുടെ കൊളാജൻ ലാമെല്ലയുമായി ലയിക്കുന്നു. [1]
ബോമാൻസ് മെംബ്രേൻ | |
---|---|
Details | |
Part of | മനുഷ്യ നേത്രം |
System | വിഷ്വൽ സിസ്റ്റം |
Identifiers | |
Latin | lamina limitans anterior corneae |
MeSH | D050541 |
TA | A15.2.02.019 |
FMA | 58273 |
Anatomical terminology |
പ്രായപൂർത്തിയായ മനുഷ്യരിൽ, ബോമാൻസ് മെംബ്രേൻ 8-12 μm കട്ടിയുള്ളതാണ്. [2] പ്രായമാകുമ്പോൾ ഈ പാളി കനംകുറഞ്ഞതായി മാറുന്നു. സസ്തനികളിൽ, പ്രൈമേറ്റുകളിൽ മാത്രമേ ബോമാൻസ് മെംബ്രേൻ കാണപ്പെടുന്നുള്ളൂ. [3]
ബോമാൻസ് മെംബ്രേൻറെ ധർമ്മം അവ്യക്തമായി തുടരുന്നു, കൂടാതെ ഇതിന് കോർണ്ണിയൽ ഫിസിയോളജിയിൽ നിർണായക സ്ഥാനമൊന്നുമില്ല. [4] അടുത്തിടെ ഈ പാളി ഒരു ഫിസിക്കൽ തടസ്സമായി പ്രവർത്തിച്ച് സബ് എപ്പിത്തീലിയൽ നെർവ് പ്ലെക്സസിനെ പരിരക്ഷിക്കുന്നതിന് സഹായിക്കുമെന്നും, അതുവഴി എപ്പിത്തീലിയൽ ഇന്നർവേർഷനും സെൻസറി വീണ്ടെടുക്കലും വേഗത്തിലാക്കാമെന്നും അഭിപ്രായപ്പെടുന്നു. മാത്രമല്ല, കോർണിയ സ്ട്രോമയ്ക്ക് നേരിട്ടുള്ള ആഘാതം ഏല്ക്കുന്നത് തടയുന്ന പാളിയായും ഇത് പ്രവർത്തിക്കുന്നു, അതിനാൽ ഇത് സ്ട്രോമയ്ക്ക് സംഭവിക്കുന്ന മുറിവുകൾ ഉണക്കുന്നതിലും രൂപാന്തര തലത്തിൽ ആന്റീരിയർ കോർണിയയുടെ സുതാര്യത പുനസ്ഥാപിക്കുന്നതിലും വളരെയധികം സഹായിക്കുന്നു. [5]
ബോമാൻസ് മെംബ്രേൻറെ ഒരു ഭാഗം ഫോട്ടോ റിഫ്രാക്റ്റീവ് കെരറ്റെക്ടമി റിഫ്രാക്റ്റീവ് സർജറി ( പിആർകെ എന്നറിയപ്പെടുന്നു) ചെയ്യുമ്പോൾ നശിച്ചുപോകുന്നു. ഇങ്ങനെ നശിക്കുന്ന ഭാഗം പിന്നീട് വീണ്ടും ഉണ്ടാകുന്നതല്ല.
ഈ മെംബ്രേൻ കണ്ടെത്തിയ ഇംഗ്ലീഷ്നേത്രരോഗവിദഗ്ദ്ധൻ സർ വില്യം ബോമാൻ (1816–1892) അവർകളുടെ പേരിലാണ് ബോമാൻസ് മെംബ്രേൻ അറിയപ്പെടുന്നത്. ബോമാന്റെ പാളി യഥാർഥത്തിൽ ഒരു മെംബ്രേൻ അല്ല, അതിനാൽ മെംബ്രേൻ എന്ന് വിളിക്കുന്നത് ഉചിതവുമല്ല. ബോമാൻസ് പാളി എന്ന പദം ഇപ്പോൾ കൂടുതൽ സ്വീകാര്യത നേടാൻ തുടങ്ങിയിരിക്കുന്നു.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.