From Wikipedia, the free encyclopedia
തമിഴ്നാട്ടിലെയും കേരളത്തിലെയും ആനമലയിൽ കാണുന്ന തദ്ദേശവാസിയായ ഒരു തവളയാണ് പച്ചക്കടുവ എന്നും വിളിക്കുന്ന പുള്ളിപ്പച്ചിലപ്പാറാൻ. (ശാസ്ത്രീയനാമം: Rhacophorus pseudomalabaricus). ആനമലയിലെ പറക്കും തവള, തെറ്റായ മലബാർ പറക്കും തവള എന്നെല്ലാം വിളിക്കപ്പെടുന്നു.[2] വായുവിലൂടെ ചെരിഞ്ഞ് പറക്കുന്നപോലെ താഴേക്ക് വരാൻ കഴിവുള്ള ഒരു തവളയാണിത്.[3] മധ്യരേഖാപ്രദേശത്തെ ഈർപ്പം നിറഞ്ഞ കാടുകളിലും ശുദ്ധജലചതുപ്പുകളിലുമാണ് ഇവ വസിക്കുന്നത്. പശ്ചിമഘട്ടത്തിലെ ഇന്ദിരാഗാന്ധി ദേശീയോദ്യാനത്തിന്റെ 100 ചതുരശ്രകിലോമീറ്റർ വിസ്തൃതിയിലേ ഇതിനെ കാണാറുള്ളൂ. താൽക്കാലിക ജലാശയങ്ങളുടെ മീതെ തൂങ്ങിക്കിടക്കുന്ന പച്ചിലച്ചർത്തുകളിൽ വച്ച് ഇണചേരുന്ന ഇവ അവിടെ ഇലകളിൽ മുട്ടയിടുകയും ആ ഇലകൾ കൂട്ടിയൊട്ടിച്ച് മുട്ടകളെ സംരക്ഷിക്കുകയും ചെയ്യും. മുട്ട വിരിഞ്ഞുവരുന്ന വാൽമാക്രികൾ താഴെയുള്ള വെള്ളത്തിലാണ് വളരുന്നത്.[4] ജീവിക്കുന്ന ഇടത്തിന്റെ നാശത്താൽ ഗുരുതരമായ വംശനാശഭീഷണി നേരിടുന്നു.[1]
പുള്ളിപ്പച്ചിലപ്പാറാൻ | |
---|---|
![]() | |
ശാസ്ത്രീയ വർഗ്ഗീകരണം ![]() | |
Domain: | Eukaryota |
കിങ്ഡം: | Animalia |
Phylum: | കോർഡേറ്റ |
Class: | Amphibia |
Order: | Anura |
Family: | Rhacophoridae |
Genus: | Rhacophorus |
Species: | R. pseudomalabaricus |
Binomial name | |
Rhacophorus pseudomalabaricus Vasudevan & Dutta, 2000 | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.