ആരാധനാ സംവത്സരത്തിൽ ഉയിർപ്പ് തിരുനാളിനു (ഈസ്റ്റർ) മുമ്പുള്ള ഏഴ് ആഴ്ച്ചകൾ നീണ്ടുനിൽക്കുന്ന കാലമാണ് നോമ്പു കാലം എന്നറിയപ്പെടുന്നത്. കൽദായ സഭാപാരമ്പര്യത്തിലെ വലിയനോമ്പ് ആചരണമാണിത്. ഉയിർപ്പ് തിരുനാളിന്റെ ഒരുക്കമായാണ് ഈ നോമ്പ് ആചരിക്കുന്നത്. പേത്തൂർത്താ ഞായർ മുതൽ ക്യംതാ ഞായർ (ഈസ്റ്റർ) വരെയുള്ള അൻപത് ദിവസങ്ങളിൽ ആചരിക്കപ്പെടുന്ന നോമ്പ്[1] ആയതിനാലാണ് ഈ നോമ്പിനെ അൻപതു നോമ്പ് എന്നു കൂടി അറിയപ്പെടുന്നത്. സുറിയാനി ഭാഷയിൽ വലിയ നോമ്പ് എന്നർത്ഥമുള്ള സവ്മാ റമ്പാ എന്നാണ് ഈ കാലത്തെ വിശേഷിപ്പിക്കുന്നത്.
![Thumb](http://upload.wikimedia.org/wikipedia/commons/thumb/3/30/Sawma_Rabba.jpg/220px-Sawma_Rabba.jpg)
യേശുവിന്റെ നാല്പതു ദിവസത്തെ ഉപവാസത്തിന്റെ മാതൃകയിലാണ് ഈ ഏഴാഴ്ചകൾ ക്രമീകരിച്ചിരിക്കുന്നത്. നോമ്പിലെ ഞായറാഴ്ചകളും അവസാന ആഴ്ചയും ഒഴിച്ച് മറ്റുള്ള ദിവസങ്ങൾ ഉപവാസ ദിനങ്ങളായി ആചരിക്കുന്നു. യേശുവിന്റെ മനുഷ്യപ്രകൃതിയെ കുറിച്ച്, പ്രത്യേകിച്ച് അദ്ദേഹത്തിന്റെ പീഢാസഹനത്തെയും മരണത്തെയും കുറിച്ച് ധ്യാനിക്കുന്നതിന് ഇക്കാലത്ത് സഭ സ്വയം സമർപ്പിക്കുന്നു.[2] പേത്തൂർത്താ എന്ന് വിളിക്കുന്ന ഈ കാലത്തിലെ ആദ്യ ഞായറാഴ്ച യേശുവിന്റെ മരുഭൂമിയിലെ ഉപവാസകാലത്ത് ഉണ്ടായ പ്രലോഭനങ്ങളെയും അവയുടെ മേലുള്ള അദ്ദേഹത്തിന്റെ വിജയത്തെയും കുറിച്ച് ധ്യാനിക്കുന്നു. പേത്തൂർത്താ എന്ന വാക്കിന്റെ അർത്ഥം 'കഴിഞ്ഞു', 'അവസാനിപ്പിച്ചു' എന്നെല്ലാമാണ്.[3] നോമ്പു കാലത്തിന്റെ അവസാന ആഴ്ചയായ വിശുദ്ധ വാരത്തിൽ യേശുവിനെ പീഢാനുഭവങ്ങളെ ആരാധനാക്രമപരമായി പുനരവതരിപ്പിക്കപ്പെടുന്നു.[2]
അവലംബം
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.