മുംബൈ നഗരത്തിലെ ഒരു പ്രദേശമാണ് കൊളാബ. പതിനാറാം നൂറ്റാണ്ടിൽ പോർച്ചുഗീസ് ഭരണത്തിൻ കീഴിൽ കാൻഡിൽ എന്നറിയപ്പെട്ട ഒരു ദ്വീപായിരുന്നു ഇവിടം. പതിനേഴാം നൂറ്റാണ്ടിന്റെ അവസാനഭാഗത്ത് ബ്രിട്ടീഷ് ഭരണത്തിൻ കീഴിൽ കോളിയോ എന്ന പേരിൽ അറിയപ്പെട്ടു.[2]
കൊളാബ | |
|---|---|
neighbourhood | |
  കൊളാബ | |
| Coordinates: 18.91°N 72.81°E | |
| രാജ്യം | ഇന്ത്യ |
| സംസ്ഥാനം | മഹാരാഷ്ട്ര |
| ജില്ല | മുംബൈ സിറ്റി |
| Metro | മുംബൈ |
| Zone | 1 |
| Ward | A |
| ഉയരം | 4 മീ(13 അടി) |
| • Official | മറാഠി |
| സമയമേഖല | UTC+5:30 (IST) |
| PIN | 400005[1] |
| ഏരിയ കോഡ് | 022 |
| വാഹന റെജിസ്ട്രേഷൻ | MH 01 |
| ലോകസഭാ മണ്ഡലം | മുംബൈ സൗത്ത് |
| നിയമസഭാ മണ്ഡലം | കൊളാബ |
| Civic agency | ബൃഹന്മുംബൈ മുനിസിപ്പൽ കോർപ്പറേഷൻ |
പോർച്ചുഗീസ് ഭരണകാലത്തെ കൊളാബ എന്ന ദ്വീപും ലിറ്റിൽ കൊളാബ എന്ന ചെറുദ്വീപും ചേർന്ന പ്രദേശമാണ് ഇന്നത്തെ കൊളാബയായത്. തദ്ദേശീയരായ കോളികളുടെ ഭാഷയിലെ കോളാഭാത് എന്ന വാക്കിൽ നിന്നാണ് ഈ പേര് വന്നതെന്ന് കരുതപ്പെടുന്നു.
സപ്തദ്വീപുകളുടെ ഭാഗമായ ഇവ 1534-ലെ ബാസ്സീൻ ഉടമ്പടിപ്രകാരം പോർച്ചുഗീസ് അധീനതയിലായ ഈ ദ്വീപുകൾ ഇംഗ്ലണ്ടിലെ ചാൾസ് രണ്ടാമൻ പോർചുഗലിലെ കാതറീൻ രാജകുമാരിയെ വിവാഹം ചെയ്തതിനെ തുടർന്ന് മുംബൈയിലെ മറ്റു ദ്വീപുകളോടൊപ്പം ഇംഗ്ലണ്ടിന് സ്ത്രീധനമായി നൽകപ്പെട്ടു. ഈ കൈമാറ്റം അംഗീകരിക്കുവാൻ പോർച്ചുഗീസ് ഉദ്യോഗസ്ഥർ കാണിച്ച വൈമനസ്യം ചാൾസ് രണ്ടാമനെ ക്ഷുഭിതനാക്കുകയും അദ്ദേഹം ഈ സ്ഥലം ഈസ്റ്റ് ഇന്ത്യാ കമ്പനിക്ക് പാട്ടത്തിന് നൽകുകയും ചെയ്തു.
ലിറ്റിൽ കൊളാബ 1762 വരെയും പോർച്ചുഗീസ് നിയന്ത്രണത്തിൽ തന്നെയായിരുന്നു. 1743-ൽ റിച്ചാർഡ് ബ്രോട്ടൺ എന്ന വ്യക്തി ഈ ദ്വീപുകൾ പാട്ടത്തിനെടുത്തിരുന്നു. 1796-ൽ ഇതൊരു സൈനികത്താവളം കൂടിയായി. 1826-ൽ കൊളാബ നിരീക്ഷണാലയം സ്ഥാപിക്കപ്പെട്ടു[3]. 1838-ൽ കൊളാബ കോസ്‌വേ പൂർത്തിയായതോടെ ഇരു ദ്വീപുകളും തമ്മിൽ ബന്ധിപ്പിക്കപ്പെട്ടു. കോട്ടൺ ഗ്രീൻ കേന്ദ്രീകരിച്ചുള്ള പരുത്തിവ്യാപാരത്തോടൊപ്പം കൊളാബ ഒരു വ്യാവസായിക-സാമ്പത്തിക മേഖലയായി വളർന്നു. അഫ്ഗാൻ ചർച്ച് എന്ന പേരിൽ പ്രശസ്തമായ ആംഗ്ലിക്കൻ ചർച്ച് 1858-ലാണ് പൂർത്തിയായത്. 1872-ൽ കൊളാബ ഒരു മുനിസിപ്പൽ വാർഡ് ആയിത്തീർന്നു. 1873-ൽ കുതിര വലിക്കുന്ന ട്രാമുകൾ ഓടിത്തുടങ്ങി. 1875-ൽ പണികഴിക്കപ്പെട്ട സസ്സൂൺ ഡോക്ക് ഈ മേഖലയുടെ വികസനത്തിന് ആക്കം കൂട്ടി[4].
- കൊളാബ കോസ്‌വേ
- ഗേറ്റ്‌വേ ഓഫ് ഇന്ത്യ
- സസ്സൂൺ ഡോക്ക്
- പ്രോങ്ങ്സ് ലൈറ്റ് ഹൗസ്
- ബല്ലാർഡ് എസ്റ്റേറ്റ്
- അഫ്ഗാൻ ചർച്ച്
- കൊവാസ്ജി ജഹാംഗീർ ഹാൾ
- പ്രിൻസ് ഓഫ് വേൽസ് മ്യൂസിയം
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
