കെ.കെ.എൻ. പരിയാരം
From Wikipedia, the free encyclopedia
കേരളത്തിൽ നിന്നുള്ള മുൻ കേരള നിയമസഭാംഗമാണ് കെ.കെ.എൻ. പരിയാരം. 1987 ൽ തളിപ്പറമ്പ് നിയോജകമണ്ഡലത്തെ പ്രതിനിധീകരിച്ചിരുന്നത് കെ.കെ.എൻ. പരിയാരം ആയിരുന്നു.
ജീവിതരേഖ
1920-ൽ കൃഷ്ണൻ നമ്പ്യാരുടെ മകനായി[1] ചെമ്പിലോട് പഞ്ചായത്തിലെ കോയ്യോട്ട്[2] ജനിച്ചു. നരിക്കോട് സ്‌കൂളിൽ 1938 ൽ അധ്യാപകനായി ചേർന്നു. സ്‌കൂൾ നിന്ന സ്ഥലത്തിന്റെ ജന്മിക്കെതിരെ കൃഷിക്കാരെ സംഘടിപ്പിച്ചുകൊണ്ടാണ് സജീവരാഷ്ട്രീയ പ്രവർത്തനരംഗത്തെക്കു കടന്നു വരുന്നത്[2]. കോൺഗ്രസുകാരനായിട്ടാണു രാഷ്ട്രീയ രംഗത്തേക്കു പ്രവേശിക്കുന്നത്[1]. പിന്നീട് കമ്യൂണിസ്റ്റ് പാർട്ടിയിൽ ചേർന്നു[1].
1940 ൽ കമ്യൂണിസ്റ്റ് പാർടി അംഗമായ പരിയാരം മോറാഴ സംഭവത്തെ തുടർന്ന് ഒളിവിൽ പോയി. 1940 നവംബറിൽ അറസ്റ്റിലായ കെ.കെ.എന്നിനെ പൊലീസ് മർദിച്ചു. ജയിലിലും പുറത്തും മർദനത്തിനിരയായതിനെ തുടർന്ന് അസുഖം ബാധിച്ച അദ്ദേഹത്തെ ജയിലിൽ നിന്ന് വിട്ടു[2]. 1948ൽ ഒളിവിലായി. അക്കൊല്ലം കയ്യൂർ ദിനത്തോടനുബന്ധിച്ചുള്ള പ്രകടനത്തിൽ പങ്കെടുത്ത് പൊതുയോഗത്തിൽ പ്രസംഗിക്കുമ്പോൾ പൊലീസ് അറസ്റ്റ് ചെയ്തു. ആറുമാസം ജയിലിൽ കിടന്നു. പുറത്തുവന്നതിന് ശേഷം 1950 വരെ ഒളിവിലായിരുന്നു. 1965ൽ ചൈനാ ചാരനെന്ന് ആരോപിച്ചും 1975 ൽ അടിയന്തരാവസ്ഥയിലും തടവിലാക്കി[2]. 1987 ൽ നിയമസഭാംഗമായി. നിയമസഭാസാമാജികനായിരിക്കെ 1989 മാർച്ച് 13 നു അന്തരിച്ചു[1].
സി.പി.ഐ.എം കണ്ണൂർ ജില്ലാ കമ്മറ്റി അംഗം, കർഷകസംഘം അംഗം, പരിയാരം പഞ്ചായത്ത് പ്രസിഡണ്ട്, കാൻഫെഡ്, റെയ്ഡ്കോ തുടങ്ങിയ സംഘങ്ങളുടെ തലവൻ തുടങ്ങിയ നിലകളിലും പ്രവർത്തിച്ചിട്ടുണ്ട്.
അവലംബം
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
