കാവാലം ഗ്രാമപഞ്ചായത്ത്

ആലപ്പുഴ ജില്ലയിലെ കുട്ടനാട് താലൂക്കിൽ വെളിയനാട് ബ്ളോക്കു പരിധിയിൽ വരുന്ന ഒരു ഗ്രാമപഞ്ചായത്താണ് കാവാലം ഗ്രാമപഞ്ചായത്ത്. ഈ പഞ്ചായത്തിന് 17.25 ചതുരശ്ര കിലോമീറ്റർ വിസ്തൃതിയാണുള്ളത്.

ദ്വീപിന് സമാനമായ സ്ഥലമാണിത്. പമ്പാനദിയുടെ കൈവഴിയും ഇതോട് ചേർന്നുകിടക്കുന്ന മറ്റു ജലാശയങ്ങളും നാടിനെ ജലസമൃദ്ധവും ഫലഭൂയിഷ്ഠവുമാക്കുന്നു. രണ്ട് വലിയ കായലുകളും എട്ടു പാടശേഖരങ്ങളും ഇവിടെയുണ്ട്. ഈ ഗ്രാമത്തിൽപ്പെട്ട പാടത്താണ് ആദ്യമായി ചക്രങ്ങൾക്കു ശേഷം വെള്ളം വറ്റിക്കാനുള്ള നീരാവി യന്ത്രം പ്രവർത്തിപ്പിച്ചത്. കാവാലം ചുണ്ടൻ എന്ന മത്സരവള്ളം ഈ നാടിന്റെ അഭിമാനമാണ്.

പുരാതനമായ പള്ളിയറക്കാവ് ദേവി ക്ഷേത്രമാണ് ഈ പ്രദേശത്തെ മുഖ്യ ക്ഷേത്രം ആയി കരുതപ്പെടുന്നത്.

ധാരാളം കാവുകളും അളങ്ങളും( കായലുകളും ) ഉള്ള സ്ഥലമായതിനാലാണ് കാവാലം എന്ന പേരുണ്ടായതെന്ന് പറയപ്പെടുന്നു . പുരാതനമായ ഒരു കാർഷിക സംസ്കൃതിയുടെ പാരമ്പര്യം അവകാശപ്പെടുന്ന ഒരു ഭൂമിക ആണിത് .

ജില്ല	ആലപ്പുഴ
ബ്ലോക്ക്	വെളിയനാട്
വിസ്തീര്ണ്ണം	17.43 ചതുരശ്ര കിലോമീറ്റർ
ജനസംഖ്യ	14,427
പുരുഷന്മാർ	7227
സ്ത്രീകൾ	7200
ജനസാന്ദ്രത	828
സ്ത്രീ : പുരുഷ അനുപാതം	996
സാക്ഷരത	98%

കാവാലം ഗ്രാമപഞ്ചായത്ത്

അതിരുകൾ

വാർഡുകൾ

സ്ഥിതിവിവരക്കണക്കുകൾ

പ്രമുഖർ

അവലംബം

Wikiwand - on