ഇന്ത്യയിലെ ഒരു രാഷ്ട്രീയ പ്രവർത്തകൻ From Wikipedia, the free encyclopedia
മുൻ കേന്ദ്രമന്ത്രി, മേഘാലയയുടെ ഗവർണർ, കേരള നിയമസഭാംഗം എന്നീ നിലകളിൽ പ്രവർത്തിച്ച ഒരു കോൺഗ്രസ് നേതാവായിരുന്നു അബൂബക്കർ അബ്ദുൽ റഹീം എന്ന എ.എ. റഹീം(07 ഫെബ്രുവരി 1920 - 31 ഓഗസ്റ്റ് 1995). ഒന്ന്, രണ്ട്, നാല്, അഞ്ച് എന്നീ കേരള നിയമസഭകളിലും[1], ഏഴാം ലോക്സഭയിലും[2] അംഗമായിരുന്ന ഇദ്ദേഹം 1955 മുതൽ 1956 വരെ തിരുക്കൊച്ചി നിയമസഭയിലെ കൃഷി, ആരോഗ്യം, വ്യവസായം എന്നീ വകുപ്പുകളുടെ ചുമതലയുള്ള ഒരു മന്ത്രിയും ആയിരുന്നു. 1920 ഫെബ്രുവരി 7ന് ജനിച്ചു. അബൂബക്കർ കുഞ്ഞ് എന്നായിരുന്നു പിതാവിന്റെ പേര്. 1982-84 വരെ കേന്ദ്രമന്ത്രിസഭയിലെ വിദേശകാര്യമന്ത്രിയുമായിരുന്നു എ.എ. റഹീം.
അബൂബക്കർ അബ്ദുൽ റഹീം | |
|---|---|
 | |
| മേഘാലയയുടെ ഗവർണ്ണർ | |
| ഓഫീസിൽ ജൂലൈ 27 1989 – മേയ് 8 1990 | |
| മുൻഗാമി | ഹരിദോ ജോഷി |
| പിൻഗാമി | മധുകർ ഡിഗേ |
| ലോക്സഭാ അംഗം | |
| ഓഫീസിൽ ജനുവരി 18 1980 – ഡിസംബർ 31 1984 | |
| മുൻഗാമി | വയലാർ രവി |
| പിൻഗാമി | തലേക്കുന്നിൽ ബഷീർ |
| മണ്ഡലം | ചിറയിൻകീഴ് |
| കേരള നിയമസഭ അംഗം | |
| ഓഫീസിൽ ഒക്ടോബർ 10 1970 – നവംബർ 11 1979 | |
| മുൻഗാമി | പി.കെ. സുകുമാരൻ |
| പിൻഗാമി | വി.വി. ജോസഫ് |
| മണ്ഡലം | കുണ്ടറ |
| ഓഫീസിൽ മാർച്ച് 16 1957 – സെപ്റ്റംബർ 10 1964 | |
| പിൻഗാമി | ടി.കെ. ദിവാകരൻ |
| മണ്ഡലം | കൊല്ലം |
| വ്യക്തിഗത വിവരങ്ങൾ | |
| ജനനം | ഫെബ്രുവരി 7, 1920 |
| മരണം | ഓഗസ്റ്റ് 31, 1995 (പ്രായം 75) |
| രാഷ്ട്രീയ കക്ഷി | കോൺഗ്രസ് |
| പങ്കാളി | ഫാത്തിമ |
| കുട്ടികൾ | മൂന്ന് മകൻ, മൂന്ന് മകൾ |
| മാതാപിതാക്കൾ |
|
As of നവംബർ 25, 2011 ഉറവിടം: നിയമസഭ | |
1954 മുതൽ 1956 വരെ തിരു-ക്കൊച്ചി നിയമസഭാംഗമായിരുന്ന എ.എ. റഹീം ഒന്നും രണ്ടും കേരളാ നിയമസഭകളിൽ കൊല്ലം നിയോജകമണ്ഡലത്തിൽ നിന്നും, നാലും അഞ്ചും നിയമസഭകളിൽ കുണ്ടറ നിയോജകമണ്ഡലത്തിൽ നിന്നുമാണ് കേരളനിയമസഭയിലേക്കെത്തിയത്. ചിറയീൻകീഴ് ലോക്സഭാ മണ്ഡലത്തേയാണ് ഏഴാം ലോക്‌സഭയിൽ ഇദ്ദേഹം പ്രതിനിധീകരിച്ചത്. 1979 മുതൽ 1981 വരെ പബ്ലിക് അക്കൗൺറ്റ് കമ്മിറ്റി ചെയർമാൻ, 1972 മുതൽ 1973 വരെ എസ്റ്റിമേറ്റ് കമ്മിറ്റി ചെയർമാൻ എന്നീ ചുമതലകൾ വഹിച്ചിട്ടുണ്ട്. നിയമസഭയിൽ കോൺഗ്രസ് പാർട്ടിയുടെ ഉപനേതാവ്, എ.ഐ.സി.സി. അംഗം, കൊച്ചിൻ സർവകലാശാല സെനറ്റംഗം, കേന്ദ്ര സംസ്ഥാന വഖഫ് ബോർഡിലെ അംഗം, കെ.പി.സി.സി. വൈസ് പ്രസിഡന്റ്, ടി.കെ.എം. കോളേജ് ഡയറക്ടർബോർഡ് ചെയർമാൻ, എന്നീ നിലകളിൽ ഇദ്ദേഹം പ്രവർത്തിച്ചിരുന്നു. പ്രഭാതം ദിനപത്രത്തിന്റെ മുഖ്യ എഡിറ്ററുമായിരുന്നു എ.എ. റഹീം. കൊല്ലം കല്ലുംതാഴത്ത് സ്ഥിതിചെയ്യുന്ന ഫാത്തിമകോളേജ് ഓഫ് ഫാർമസി സ്ഥാപകനുമാണ്.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
