ഇരുട്ടിന്റെ ആത്മാവ്

1967-ൽ പുറത്തിറങ്ങിയ ഒരു മലയാളചലച്ചിത്രമാണ് ഇരുട്ടിന്റെ ആത്മാവ്. എം.ടി. വാസുദേവൻ നായർ രചനയും പി. ഭാസ്കരൻ സംവിധാനവും നിർവ്വഹിച്ചിരിക്കുന്നു. ബോക്സോഫീസിൽ പരാജയപ്പെട്ടെങ്കിലും മലയാളസിനിമാചരിത്രത്തിലെ നാഴികക്കല്ലായി ചിത്രം വിലയിരുത്തപ്പെടുന്നു.^[1] ഭ്രാന്തൻ വേലായുധൻ എന്ന കഥാപാത്രത്തെ അനശ്വരമാക്കിയ പ്രേം നസീറിന്റെ പ്രകടനം ഏറെ നിരൂപകപ്രശംസ പിടിച്ചുപറ്റി.^[2][3][4][5]

ഇരുട്ടിന്റെ ആത്മാവ്
സംവിധാനം	പി. ഭാസ്കരൻ
നിർമ്മാണം	പി. ഐ. എം. കാസിം
രചന	എം.ടി. വാസുദേവൻ നായർ
അഭിനേതാക്കൾ	പ്രേം നസീർ, ശാരദ, തിക്കുറിശ്ശി സുകുമാരൻ നായർ, അടൂർ ഭാസി, കോഴിക്കോട് ശാന്താദേവി
സംഗീതം	ബാബുരാജ്
ഗാനരചന	പി. ഭാസ്കരൻ
ഛായാഗ്രഹണം	ഇ. എൻ. ബാലകൃഷ്ണൻ
ചിത്രസംയോജനം	ജി. വെങ്കിട്ടരാമൻ
റിലീസിങ് തീയതി	മാർച്ച് 2, 1967
രാജ്യം	ഇന്ത്യ
ഭാഷ	മലയാളം

രചന

ഇരുട്ടിന്റെ ആത്മാവ് എന്നുതന്നെ പേരായ തന്റെ കഥയെ അടിസ്ഥാനമാക്കിയാണ് എം.ടി. വാസുദേവൻ നായർ തിരക്കഥയും സംഭാഷണവും രചിച്ചത്.^[6] അദ്ദേഹത്തിന്റെ ഏറ്റവും മികച്ച സൃഷ്ടികളിലൊന്നായി ഇരുട്ടിന്റെ ആത്മാവ് വിലയിരുത്തപ്പെടുന്നു.^[7]

അഭിനയിച്ചവർ

• പ്രേം നസീർ
• ശാരദ
• തിക്കുറിശ്ശി സുകുമാരൻ നായർ
• അടൂർ ഭാസി
• കോഴിക്കോട് ശാന്താദേവി

കഥാതന്തു

സമൂഹവും കുടുംബവും ഒറ്റപ്പെടുത്തുന്ന ഭ്രാന്തൻ വേലയുധന്റെ കഥയാണ് ചിത്രം പറയുന്നത്.^[8]

പുരസ്കാരം

• മികച്ച സാമൂഹ്യക്ഷേമചിത്രത്തിനുള്ള ആദ്യത്തെ ദേശീയപുരസ്കാരം (1967)^[9]